Í nýrri skoð­ana­könnun MMR á trausti til fjöl­miðla, sögð­ust 14,8 pró­sent aðspurðra bera lítið traust til Kjarn­ans, það er næst minnsta van­traustið á eftir Frétta­stofu RÚV. ­Sam­kvæmt nið­ur­stöðum könn­un­ar­inar báru 10,4 pró­sent þeirra sem tóku afstöðu lítið traust til Frétta­stofu RÚV. Mesta van­traustið var í garð DV, en 57,6 pró­sent aðspurðra ­sögð­ust bera lítið traust til blaðs­ins.

Frétta­stofa RÚV er enn í sér­flokki hvað varðar traust almenn­ings til fjöl­miðla, en 70,6 pró­sent aðspurðra sögð­ust bera mikið traust til rík­is­fjöl­mið­ils­ins, og 64,5 pró­sent sögð­ust bera mikið traust til ruv.­is. Mbl.is situr í þriðja sæti með 46,7 pró­senta traust, og 23,9 pró­senta van­traust. Traust til mbl.is hefur dreg­ist nokkuð saman frá því í des­em­ber 2008, þegar 64 pró­sent aðspurðra sögð­ust bera mikið traust til net­frétta­mið­ils­ins. Þá sögð­ust 27 pró­sent aðspurðra bera mikið traust til Kjarn­ans í nýj­ustu könnun MMR.

Nið­ur­stöður MMR. Sam­tals tóku 97,2 pró­sent afstöðu til spurn­ing­ar­inn­ar.

Traust til helstu prent­miðla dregst sam­an, traust til DV eykst

Þeir prent­miðlar sem nutu mest trausts meðal almenn­ings voru Morg­un­blaðið og Frétta­blað­ið. Af þeim sem tóku afstöðu sögð­ust 40,6 pró­sent bera mikið traust til Morg­un­blaðs­ins nú, borið saman við við 46,4 pró­sent í nóv­em­ber 2013. Þá sögð­ust 34,9 pró­sent bera mikið traust til Frétta­blaðs­ins nú, sam­an­borið við 39,2 pró­sent í fyrra. Hlut­falls­lega fleiri sögð­ust bera lítið traust til Morg­un­blaðs­ins en til Frétta­blaðs­ins. Af þeim sem tóku afstöðu sögð­ust 30,2 pró­sent bera lítið traust til Morg­un­blaðs­ins, á meðan 22,9 pró­sent sögð­ust bera lítið traust til Frétta­blaðs­ins.

Traust til frétta­miðla DV hefur auk­ist frá því í nóv­em­ber í fyrra. Af þeim sem tóku afstöðu nú sögð­ust 14,5 pró­sent bera mikið traust til DV, borið saman við 10 pró­sent í fyrra. Þá sögð­ust 13,2 pró­sent bera mikið traust til dv.is nú, sam­an­borið við 9,1 pró­sent í nóv­em­ber 2013.