Félag kvenna í lög­mennsku er ósátt við Lög­manna­fé­lag Íslands og segir túlkun félags­ins um að dóm­stóla­lög gangi framar jafn­rétt­islögum sé „ótæk og til þess fallin að draga úr áhrifum jafn­rétt­islaga á vinnu­mark­aði sem og ann­ars staðar í sam­fé­lag­in­u.“

Þetta kemur fram í yfir­lýs­ingu frá félag­inu í til­efni frétta um skipun dóm­nefndar til að fjalla um hæfi umsækj­enda um dóm­ara­emb­ætti. Fimm karlar skipa þá nefnd, og karl­arnir fimm völdu Karl Axels­son hæf­astan þriggja umsækj­enda um emb­ætti hæsta­rétt­ar­dóm­ara á dög­un­um.

Lög­manna­fé­lag­ið, Hæsti­réttur og dóm­stóla­ráð telja að þau séu ekki bundin af jafn­rétt­islögum þegar kemur að því að skipa sína full­trúa í dóm­nefnd­ina. Þau telja að ákvæði um nefnd­ina í lögum um dóm­stóla gangi framar jafn­rétt­islög­un­um, og eftir bréfa­skriftir við dóms­mála­ráðu­neytið ákvað ráðu­neytið að láta undan og skipa ein­göngu karla í nefnd­ina.

„Stjórn FKL tekur und­ir­ ­með Guð­rúnu Erlends­dótt­ur, fyrrum hæsta­rétt­ar­dóm­ara og heið­urs­fé­laga FKL, um að skipun fimm karl­manna í nefnd­ina sé hreint og klárt brot á jafn­rétt­islög­um. Að mati FKL er brotið sér­lega alvar­legt í ljósi þess að í dag er ein­göngu ein kona skipuð dóm­ari við Hæsta­rétt og því einkar mik­il­vægt að jafna kynja­hlut­föll á vett­vangi þessa æðsta dóm­stóls lands­ins.“

Þá segir í yfir­lýs­ing­unni að fram­kvæmdin sem hefur verið við­höfð við skipun í nefnd­ina stríði gegn mark­miði lag­anna, sem sé að vinna að jöfnum áhrifum karla og kvenna í sam­fé­lag­inu. Þar með sé úti­lokað að konur geti haft áhrif á það hver verði skip­aður dóm­ari við Hæsta­rétt Íslands.