„Það þreng­ist alla vega um tím­ann til að klára þetta. Það er mik­il­vægt að menn hafi nægan tíma til að fara yfir mál sem eru stór og umfangs­mik­il. Það er hins vegar búið að vera umtals­vert sam­tal milli stjórn­mála­flokk­anna, ég hef kynnt þetta stjórn­ar­and­stöð­unni í það minnsta tvisvar á síð­ustu mán­uðum og atvinnu­vega­nefndin kom beint að mál­inu í sum­ar, allir flokk­ir. þannig að menn þekkja auð­vit­að  frum­varpið tals­vert vel og sú vinna sem það byggir á kemur frá fyrri rík­is­stjórn frá 2010 þannig að eng­inn getur sagt að nið­ur­staðan komi honum full­kom­lega á óvart," segir Sig­urður Ingi Jóhanns­son sjáv­ar­út­vegs­ráð­herra við RÚV um frum­varp sitt um fisk­veiði­stjórn­un, svo­kallað kvóta­frum­varp.

23 ára leiga, 15 ára upp­sagn­ar­frestur

Sam­kvæmt frum­varp­inu á að koma upp svoköll­uðu kvóta­þingi. Það myndi þýða að öll við­skipti með kvóta yrðu á mark­aði. Auk þess er gert ráð fyrir að samið verði um nýt­ingu veiði­réttar til lengri tíma. Lík­leg­asta nið­ur­staðan þar, sem sam­kvæmt heim­ildum Kjarn­ans er ágætt sátt um, er að leigan verði til 23 ára. Ríkið getur þá sagt upp samn­ing­unum eftir átta ár en upp­sagn­ar­frest­ur­inn verður fimmtán ár.

Kemur ekk­ert annað til greina en að þjóðin eigi kvót­ann

Ásmundur Frið­riks­son, þing­maður Sjálf­stæð­is­flokks­ins, segir að það feli í sér sov­éskt fyr­ir­komu­lag að ríkið eign­ist veið­i­r­rétt­inn eða kvót­ann.

Frum­varpið hefur verið í vinnslu í vel á annað ár. Það hefur verið kynnt fyrir stjórn­ar­flokk­un­um, rík­is­stjórn og stjórn­ar­and­stöðu á und­an­förnum mán­uð­um. Mikil and­staða er hins vegar við ákveðna hluti í því innan Sjálf­stæð­is­flokks­ins og því hefur ekki tek­ist að afgreiða frum­varpið úr rík­is­stjórn. Sú and­staða snýst fyrst og síðar gegn að veiði­rétt­indin eða kvót­inn verði skil­greind sem eign rík­is­ins eða þjóð­ar­inn­ar.