ÁTVR segir að versl­unin hafi upp­lýst emb­ætti Land­læknis Íslands m nikó­tín­inni­hald og inni­hald krabba­meins­vald­andi efna í íslenska nef­tó­bak­inu í mars árið 2013, eða um leið og nið­ur­stöður mæl­inga lágu fyr­ir. Þetta kemur fram í frétta­til­kynn­ingu frá ÁTVR sem send var fjöl­miðlum í dag vegna umfjöll­unar DV um íslenska nef­tó­bak­ið, eða „rudd­ann“ svo­kall­aða.

Í umfjöllun DV er full­yrt að ÁTVR hafi ekki upp­lýst Land­lækni um efna­grein­ingu nef­tó­baks­ins, sem áfeng­is- og tóbaks­versl­unin segir ekki stand­ast skoð­un.

Þá kemur fram í frétta­til­kynn­ing­unni að ÁTVR hafi boðið Land­lækni að sjá um og birta skrá yfir inni­halds­efni tóbaks­ins, sam­an­ber ákvæði reglu­gerðar um mynd- og texta­við­var­anir á tóbaki og mæl­ingar á hámarki skað­legra tóbaks­efna. Land­læknir hafi, af ein­hverjum ástæð­um, ekki þegið boð ÁTVR í þessum efn­um.

Þá kemur fram gagn­rýni á umfjöllun DV í frétta­til­kynn­ingu ÁTVR þar sem borin eru saman hlut­föll nikótíns í íslenska nef­tó­bak­inu við nikótín­hlut­fall í sænska General munn­tó­bak­inu. Í DV er full­yrt að í íslenska nef­tó­bak­inu sé 115 pró­sent meira ník­ótín en í því sænska, en ÁTVR segir að í umfjöllun DV sé ekki verið að bera saman sam­bæri­lega hluti.

ÁTVR segir að þegar vör­urnar séu bornar saman sé sam­bæri­legt nikótín 2,8 pró­sent í íslenska nef­tó­bak­inu og 1,67 pró­sent í því snska. Þá hafi ÁTVR vakið athygli á skað­semi nef­tó­baks og hvatt til minni notk­unar á því í sam­ræmi við mark­mið laga og stefnu fyr­ir­tæk­is­ins um sam­fé­lags­lega ábyrgð.