Lands­bank­inn og slita­stjórn LBI (gamli Lands­bank­inn) hafa náð samn­ingum um að Lands­bank­inn fyr­ir­fram­greiði á þessu ári end­ur­greiðslur skulda­bréfa í erlendri mynt að jafn­virði um 47 millj­arða króna. Sam­komu­lagið er háð þeim fyr­ir­vara að Lands­bank­anum tak­ist að fjár­magna fyr­ir­fram­greiðsl­una á kjörum sem Lands­bank­inn telur ásætt­an­leg.

Sam­komu­lag milli bank­ans og slita­bús­ins var gert á fimmtu­dag­inn í síð­ustu viku, að því er kemur fram á heima­síðu bank­ans. Um er að ræða skulda­bréf á gjald­daga í októ­ber 2016 og að hluta skulda­bréf sem eru á gjald­daga í októ­ber 2018.

Fram kemur í Morg­un­blað­inu í dag að bank­inn ætli sér að sækja fjár­magn með útgáfu skulda­bréfa í gegnum kaup­höll­ina í Dyfl­inni. Þar hefur Lands­bank­inn þegar skráð svo­kall­aðan EMTN-­út­gáfuramma og er því í raun allt til reiðu, að því er haft er eftir Krist­jáni Krist­jáns­syni, upp­lýs­inga­full­trúa bank­ans.

Eins og áður hefur verið greint frá þá er það vilji Lands­bank­ans að greiða fyr­ir­fram hluta af um 200 millj­arða skuld gagn­vart slita­bú­inu strax á þessu ári.  Nú hefur verið samið um að fyr­ir­fram­greiðslan nemi um 47 millj­örðum króna. Í við­tali við frétta­stofu Bloomberg nýverið sagði Stein­þór Páls­son, banka­stjóri Lands­bank­ans, að fyr­ir­fram­greiðslan gæti verið báðum aðilum hag­stæð. Þannig fái bank­inn mögu­lega betri kjör með útgáfu skulda­bréfa á mark­aði og end­ur­greiðslan liðki fyrir upp­gjöri slita­bús­ins.