Ístak hf., dótt­ur­fé­lag Lands­bank­ans, hefur selt fyr­ir­tækið Ístak Ísland ehf. til danska verk­taka­fyr­ir­tæk­is­ins Per Aarsleff AS sem átti hag­stæð­asta til­boðið í félagið í opnu sölu­ferli sem hófst í jan­úar síð­ast­lið­inn. Kaup­verðið er trún­að­ar­mál. Fyr­ir­tækja­ráð­gjöf Lands­bank­ans hafði umsjón sölu­ferl­inu.

Sölu­ferlið hófst með aug­lýs­ingu þann 22. jan­úar 2015 og var opið öllum áhuga­sömum fjár­festum sem stóð­ust hæf­is­mat og gátu sýnt fram á fjár­fest­ing­ar­getu umfram 500 millj­ónir króna.

Í til­kynn­ingu frá Lands­bank­anum segir að  Per Aarsleff AS sé rót­gróið og sterkt félag sem er skráð á Nas­daq OMX Copen­hagen. Árs­tekjur félags­ins nema jafn­virði um 170 millj­arða íslenskra króna. Félagið sinnir verk­töku í mörgum löndum meðal ann­ars á Græn­landi og nú einnig á Íslandi. Starfs­menn eru um 4.500 tals­ins.

Mark­aðs­svæði Ístaks Íslands ehf., sem á sér 45 ára sögu, er Ísland, Græn­land og Fær­eyj­ar. Félagið sér­hæfir sig í verk­töku á sviði virkj­ana, jarð­gangna, hafn­ar­mann­virkja, stærri iðn­að­ar­mann­virkja og stál­smíði og er einn fárra inn­lendra val­kosta þegar kemur að fram­kvæmdum og þjón­ustu við virkj­anir og stór­iðju.

Selj­and­inn Ístak hf., dótt­ur­fé­lag Lands­bank­ans, mun áfram sinna samn­ings­bundnum verk­efnum í Nor­egi.