Lands­bank­inn stefnir að því að hefja end­ur­fjár­mögnun á um 200 millj­arða króna skuldum gagn­vart þrota­búi gamla Lands­banka Íslands (LBI) á þessu ári. Stein­þór Páls­son, bank­stjóri Lands­bank­ans, segir í sam­tali við frétta­stofu Bloomberg að í krafti nýlegrar upp­færslu á láns­hæf­is­ein­kunn bank­ans þá sé útlit fyrir að fjár­mögnun sé hag­stæð­ari á mark­aði heldur en hjá gamla bank­anum. Skuld bank­ans gagn­vart þrota­bú­inu verði þó ekki end­ur­fjár­mögnuð í einu skrefi. Stein­þór segir að það gæti verið bæði þrota­bú­inu og bank­anum hag­stætt að lánin verði end­ur­fjár­mögnuð á mark­aði og end­ur­greidd þrota­bú­inu.

Þrotabú LBI og Lands­bank­inn komust að sam­komu­lagi í fyrra um leng­ingu lán­anna til árs­ins 2026 á óbreyttum 2,9 pró­sent vöxtum yfir LIBOR-milli­banka­vöxtum fram til árs­ins 2018. Eftir 2020 mun vaxta­á­lag yfir LIBOR hækka í 4,05 pró­sent á ári.

Stein­þór segir að end­ur­fjár­mögnun yrði alltaf gerð í skrefum og það fyrsta verð­i ­jafn­vel tekið í haust. Það myndi auð­velda slita­stjórn LBI að gera upp við for­gangs­kröfu­hafa.

Íslands­banki og Arion banki hafa báðir þegar sótt sér fjár­magn á erlendum mörk­uð­um. Í mars síð­ast­liðnum gaf Arion banki út 300 millj­óna evra skulda­bréf á kjörum sem voru 3,1 pró­sentum yfir milli­banka­vöxt­um. Frá útgáf­unni hafa vextir lækkað á skulda­bréfa­mark­að­i. Í frétt Bloomberg er haft eftir Stein­þóri að kjör Arion banka séu upp­örvandi.