Meiri­hluti atvinnu­vega­nefndar ætlar að leggja til að átta virkj­anir verða færðar úr bið­flokki í nýt­inga­flokk ramma­á­ætl­un­ar, sam­kvæmt heim­ildum Kjarn­ans. Sjö af þeim átta eru Hvamms­virkj­un, Urriða­foss­virkj­un, Hólmsá, Haga­vatns­virkj­un, Skrokkalda og Hagöngur 1-2. Þetta var ákveðið á fundi nefnd­ar­innar sem nú stendur nú yfir.

Ragn­heiður Elín Árna­dótt­ir, iðn­að­ar­ráð­herra, sagði á Haust­fundi Lands­virkj­unnar á þriðju­dag að það væri full þörf á því að end­ur­skoða ramma­á­ætlun og færa fleiri kosti úr bið­flokki í nýt­ing­ar­flokk. Í ræðu hennar kom fram að svo lengi sem óljóst væri hversu mikil orka væri til staðar hér­lendis verði Ísland ekki fýsi­legur kostur fyrir fjár­fest­inga­verk­efni. Ramma­á­ætlun hafi átt að veita þessi svör, en það hafi ekki orðið raun­in.

Í ræðu sinni sagði Ragn­heiður Elín einnig: „Ég segi það hreint út. Ég tel vera fulla þörf á því að við förum út í nýja orku­vinnslu­kosti, til við­bótar við núver­andi raf­orku­fram­leiðslu, hvot sem er í vatns­afli, jarð­varma og vindi. Ég tel að rök­semdir séu til staðar til að færa fleiri virkj­un­ar­kosti úr bið­flokki í orku­nýt­ing­ar­flokk, á grund­velli þeirra gagna sem liggja fyrir úr fyrsta, öðrum og þriðja áfanga Ramma­á­ætl­un­ar. Og ég tel í þriðja lagi brýnt að haf­ist verði handa við und­ir­bún­ing þeirra virkj­un­ar­kosta sem eru í orku­nýt­ing­ar­flokki, í sam­ræmi við lög regl­ur“.

Ramma­á­ætl­un er áætlun sem umhverf­is- og auð­linda­ráð­herra ­leggur fram sem til­lögu til Alþing­is eigi síðar en á fjög­urra ára fresti í sam­vinnu við þann ráð­herra er fer með orku­mál.  Í ramma­á­ætlun eru hug­myndir um orku­nýt­ing­u ­flokk­aðar í orku­nýt­ing­ar­flokk, vernd­ar­flokk eða bið­flokk. Fyrsta ramma­á­ætl­unin var sam­þykkt 14. jan­úar 2013. Hún nær til­ 67 virkj­un­ar­kosta en þar af voru 16 í orku­nýt­ing­ar­flokki, 31 í bið­flokki en 20 í vernd­ar­flokki. Verði til­laga meiri­hluta atvinnu­vega­nefndar að veru­leika munu þeir kostir sem verða í nýt­ing­ar­flokki verða 24 í stað 16.