Per­sónu­vernd hefur borist kæra vegna lok­aðs hóps á Face­book þar sem leigu­bíl­stjórar deila upp­lýs­inum um far­þega sín á milli. Á meðal þess sem er sett inn í hóp­inn eru mynd­ir, mynd­bands­upp­tökur og umræður um að forð­ast beri ákveð­inn mann sökum þess að sé smit­aður af HIV. Um 800 manns eru í hópn­um.

Þetta kemur fram í Morg­un­blað­inu í dag. Þar er rætt við fram­kvæmda­stjóra Hreyf­ils-Bæj­ar­leiða, en hóp­ur­inn á Face­book ber sama nafn. Sæmundur Krist­ján Sig­ur­laugs­son fram­kvæmda­stjóri segir hóp­inn ekk­ert tengj­ast starf­semi leigu­bíla­stöðv­ar­innar og óheim­ilt sé að nota nafn henn­ar. Hann hafi fyrst fengið veður af hópnum og kærunni til Per­sónu­verndar þegar Morg­un­blaðið tal­aði við hann.

„Við hörfmum það að menn skuli vera að tjá sig um ein­hverja per­sónu­lega reynslu úr starfi. Þagn­ar­skylda er regla númer eitt, tvö og þrjú,“ segir hann. Einn stjórn­enda síð­unnar er leigu­bíl­stjóri hjá Hreyfli-Bæj­ar­leiðum og segir Sæmundur að honum verði gert að loka síð­unni sam­stund­ir. „Ég get lítið sagt annað en það að þetta sam­ræm­ist alls ekki stefnu Hreyf­ils. Það verður tekið á þessu hjá okkur eftir helgi þó svo að þetta sé stöð­inni óskyld síð­a.“