Lífs­verk líf­eyr­is­sjóð­ur, sem er líf­eyr­is­sjóður verk­fræð­inga og háskóla­mennt­aðra sér­fræð­inga, hefur ákveðið að sækja trygg­ing­ar­fé­lag sitt til greiðslu skaða­bóta úr ábyrgð­ar­trygg­ingu sem sjóð­ur­inn hafði keypt vegna starfa stjórnar og stjórn­enda sjóðs­ins á árinu 2008. Dóms­mál er nú rekið fyrir Hér­aðs­dómi Reykja­víkur þar sem sjóð­ur­inn freistar þess að fá bæt­urnar greidd­ar.

Þetta kemur fram í árs­skýrslu sjóðs­ins, það er skýrslu stjórna, en sjóð­ur­inn ­fór illa út úr hruni banka­kerf­is­ins og tap­aði ríf­lega 14 millj­örðum á árunum 2008 og 2009, sem þá nam 34 pró­sent af heild­ar­eign­um.

Sam­an­lögð iðgjöld árs­ins 2014 námu 3,5 millj­örðum króna og námu sam­an­lagðar líf­eyr­is­greiðslur 714 millj­ónum króna. Hlut­fall líf­eyris af sam­an­lögðum iðgjöldum var 20,3 pró­sent.

Ávöxtun eigna sjóðs­ins hefur síðan gengið ágæt­lega, en raun­á­vöxtun sjóðs­ins í fyrra var 6,3 pró­sent. Hrein eign sjóðs­ins nam 49,8 millj­örðum króna í lok árs í fyrra, og hækk­aði hún um tólf pró­sent. Heild­ar­eignir námu 57,7 millj­örðum króna.