Um helm­ingur af þeim 87 íslensku leiknu kvik­myndum í fullri lengd sem frum­sýndar voru á árunum 1996-2013 og teknar voru til almennra sýn­inga í kvik­mynda­húsum fékk innan við 10.000 sýn­ing­ar­gesti. Gesta­fjöldi að með­al­tali á hverja frum­sýnda mynd á árunum 1996-2013 var 17.373. Hins vegar var aðsókn að helm­ingi mynd­anna innan við 10.773 gest­ir. Sjö myndir fengu yfir 50.000 gesti, tvær myndir yfir 80.000 áhorf­end­ur, en sú mynd sem minnsta aðsókn hlaut fékk innan við 50 áhorf­end­ur.

Hag­stofan greinir frá þessu í dag en hún hefur tekið saman yfir­lit yfir fjölda kvik­mynda­gesta á sýn­ingum íslenskra kvik­mynda frá 1996 til 2013. Af 1.511.483 gestum sem sáu þær 87 íslensku kvik­myndir sem frum­sýndar voru á árunum 1996-2013 féll helm­ingur aðsókn­ar­innar í hlut 16 mynda.

Englar alheims­ins vin­sælust - Topp tíu list­inn

Af tíu vin­sæl­ustu inn­lendu kvik­myndum sem frum­sýndar voru á árunum 1996-2013 voru fjórar mynd­anna í leik­stjórn Baltasar Kor­máks og tvær í leik­stjórn Frið­riks Þórs Frið­riks­son­ar. Englar alheims­ins, í leik­stjórn þess síðar nefnda, var með mesta aðsókn, eða ríf­lega 83.000 gesti. Í öðru sæti var Mýr­in, í leik­stjórn Baltasar Kor­máks, með hátt í 82.000 áhorf­end­ur. Aðeins ein barna- og fjöl­skyldu­mynd er á meðal tíu aðsókn­ar­hæstu mynd­anna. Hag­stofan vekur sér­staka athygli á að níu mynd­anna eru byggðar á vin­sælli skáld­sögu, leik­verki eða sjón­varps­fígúru. Sú tíunda er byggð á sögu­legum atburði sem stendur enn nærri hugum manna. Til sam­an­burðar má geta þess að engin þeirra tíu mynda sem minnsta aðsókn hlutu er byggð á bók­mennta­verki eða hefur beina skírskotun í alkunnan atburð.

Aðsókn­ar­hæsta kvik­mynd í leik­stjórn konu er Stella í fram­boði í leik­stjórn Guð­nýjar Hall­dórs­dótt­ur, sem er tólfta aðsókn­ar­hæsta mynd­in, með hátt í 35.000 gesti.

Mynd­irnar eru:

Athuga­semd: Kjarn­anum barst ábend­ing um að á list­ann og í útreikn­inga vantar aðsókn á kvik­mynd­ina Bjarn­freð­ar­son frá árinu 2009. Myndin naut mik­illa vin­sælda og sáu um 70 þús­und manns mynd­ina í kvik­mynda­hús­um. Það kemur mynd­inni í 3. sæti yfir aðsókn­ar­mestu mynd­irn­ar. Tölur Hag­stof­unnar hafa ekki verið upp­færðar með til­liti til þessa og verður þessi frétt upp­færð með upp­færðum tölum Hag­stof­unnar þegar þær ber­ast.

Athuga­semd klukkan 11:10: Fréttin hefur verið upp­færð í takt við upp­færða frétt Hag­stof­unn­ar. Bjarn­freð­ar­son er 3. vin­sælasta myndin á tíma­bil­in­u.