Már Guð­munds­son Seðla­banka­stjóri seg­ist hafa leitað leiða til að ljúka Sam­herj­a­mál­inu með sátt en hafi ekki mátt það. Hann seg­ir að lag­ara­mm­inn sem Seðla­bank­inn þarf að vinna eftir í rann­sóknum sé mögu­lega of þröng­ur. Þetta kom fram í kvöld­fréttum RÚV.

Þor­steinn Már Bald­vins­son, for­stjóri Sam­herja, hefur gagn­rýnt Seðla­bank­ann harka­lega und­an­far­ið, eftir að sér­stakur sak­sókn­ari felldi niður saka­mál, sem hófst með rann­sókn gjald­eyr­is­eft­ir­lits Seðla­bank­ans á Sam­herja. Þor­steinn hefur sagt ann­ar­legar hvatir liggja að baki rann­sókn bank­ans, sakar hann um ill­vilja og fals­an­ir. Hann vill að Már segi af sér og hefur sakað hann um að vilja eyði­leggja sem mest fyrir sér og útgerð­inni.

„Það er eng­inn ill­vilji á bak­við þetta hjá okk­ur, þvert á móti. Svona per­sónu­lega hef ég alla tíð haft mikið álit á Þor­steini Má og Sam­herja og svo fram­veg­is, og það var nú mér mikið áfall þegar kom í ljós að svo virt­ist vera að þarna hefði verið brot á gjald­eyr­is­lög­um,“ segir Már í sam­tali við RÚV. Hann seg­ist hissa á Þor­steini Má.

Stór fyr­ir­tæki geti stundum nudd­ast utan í opin­bert reglu­verk. „Kannski ekk­ert endi­lega með ein­hvern ein­beittan brota­vilja.“ Hann segir að þegar við­skipti eða reglu­verk verði flókið get­i ­menn stundum dottið vit­lausu megin við lín­una, þó að það hafi kannski ekki alltaf verið mein­ing­in. „Og það er engin ástæða til að per­sónu­gera þetta, hvorki gagn­vart Sam­herja og honum eða gagn­vart okk­ur.“

Hann seg­ist hafa látið kanna hvort ein­hver leið væri til að lenda Sam­herj­a­mál­inu með sátt en lög­fræð­ingar bank­ans hafi kom­ist að því að slíkt væri lög­brot. „Ef það er grunur um meiri­háttar brot þá ber okk­ur, ekki bara meg­um, heldur ber, það er á okkur sú laga­skylda að kæra það þá til sak­sókn­ara sem er lög­reglu­yf­ir­vald,“ segir Már við RÚV.