Hag­fræði­deild Lands­bank­ans verð­metur Marel á 0,93 evr­ur, eða 143,6 krónur á hlut, sem er átta pró­sent yfir skráðu gengi félags­ins þann 16. des­em­ber 2014, en þá var það 133 krónur á hlut. Það sem helst er talið vinna með félag­inu, horft fram á næsta ár, eru hrá­vöru­verð­lækk­an­ir, efna­hags­bati í Banda­ríkj­un­um, ódýrt láns­fjár­magn í heim­inum og end­ur­nýj­un­ar­þörf við­skipta­vina félags­ins.

Á þremur mán­uðum hefur mark­aðsvirði Marel hækkað um 35 pró­sent, og hefur afkoma félags­ins verið yfir væt­ingum grein­enda.

Hag­fræði­deildin býst við því að árið 2015 verði gott ár fyrir Mar­el. „Við gerum ráð fyrir 12 pró­sent tekju­vexti á næsta ári og að EBIT árs­ins verði 62,4 millj­ónir evra. Við áætlum tíu millj­ónir evra í ein­skiptis­kostnað í sam­ræmi við áætlun félags­ins sjálfs og því er leið­rétt EBIT fyrir árið 2015 72,4 millj­ónir evr­a,“ segir meðal ann­ars í verð­mat­inu, og rök­stuðn­ingi fyrir hluta­bréfa­ráð­gjöf­inni. Ráð­gjöf hag­fræði­deild­ar­innar er að halda bréf­un­um.

Sjá má verð­matið í heild sinni hér að neð­an.

Hag­fræði­deild Lands­bank­ans - Verð­mat - Marel 17.des­em­ber 2014 (1)