Mat­væla­stofnun hyggst rann­saka aðbúnað tólf hrossa­ ­sem drukkn­uðu í Bessa­staða­tjörn, að því er talið er á þriðju­dag­inn þegar mikið óveður gekk yfir Suð­vest­ur­horn lands­ins. Þetta stað­festir Sig­ríður Björns­dótt­ir, dýra­læknir hrossa­sjúk­dóma hjá Mat­væla­stofnun í sam­tali við Kjarn­an. Hún segir að málið verði rann­sakað heild­stætt með hlið­sjón af reglu­gerð um vel­ferð hrossa.

Hross­in voru á svo­­kall­að­ari haust­beit en sjö þeirra voru í eigu Íshesta og fimm í eigu fé­laga í Hesta­­manna­­fé­lag­inu Sóta. Hrossin fund­ust dauð í Bessa­staða­tjörn í gær, en grunn­semdir vökn­uðu um að ekki væri allt ­með felldu eftir smölun á laug­ar­dag­inn.

Mat­væla­stofnun hyggst, eins og áður seg­ir, rann­saka hvort aðbún­aður hross­anna hafi upp­fyllt reglu­gerð um vel­ferð hrossa. Í 18. grein reglu­gerð­ar­inn­ar, er fjallar um úti­gang hrossa, segir orð­rétt: „Hross sem ganga úti skulu geta leitað skjóls fyrir veðri og vind­um. Þar sem full­nægj­andi nátt­úru­legt skjól, svo sem skjól­belti, klettar og hæð­ir, eru ekki fyrir hendi skulu hross hafa aðgang að mann­gerðum skjól­veggjum sem mynda skjól úr helstu átt­um. Hver skjól­veggur skal að lág­marki vera 2 metrar á hæð og svo langur að öll hross hjarð­ar­innar fái notið skjóls. Skjól­veggir skulu byggðir þannig að þeir valdi ekki slysa­hættu né hræðslu hjá hross­um. Við eft­ir­lit og mat á aðbún­aði hrossa á úti­gangi, svo sem hrossa­skjól, skal litið heild­stætt á þá þætti sem hafa áhrif á vel­ferð hjarð­ar­innar svo sem fóð­ur­á­stand, land­gæði, skjól og veð­ur­far á svæð­in­u.“

Í frétt sem birt­ist á frétta­síð­unni mbl.is í gær var haft eftir Ein­ari Þór Jóhanns­syni, umsjón­ar­manni hest­húsa Íshesta, að hann telji lík­legt að slysið hafi átt sér stað í áður­nefndu óveðri á þriðju­dag­inn. Þá hefur vef­mið­ill­inn Vísir orð­rétt eftir Ein­ari Bolla­syni hjá Íshest­um: „Það er ekki nema rúm vika síðan menn voru að gá að hest­un­um, þar af starfs­maður frá okk­ur, og allt var í topp­standi. Þannig að þetta hefur gerst ein­hvern síð­ustu daga.“ Sam­kvæmt áður­nefndri reglu­gerð um vel­ferð hrossa hvað varðar eigið eft­ir­lit, seg­ir að hafa skuli viku­legt eft­ir­lit með hrossum sem ganga úti á beit eða á gjöf. Mat­væla­stofnun hyggst einnig kanna hvort eft­ir­lit með hross­unum á Álfta­nesi hafi upp­fyllt þetta ákvæði.

Mat­væla­stofnun ann­ast eft­ir­lit með fram­kvæmd reglu­gerð­ar­innar um vel­ferð hross og hefur sömu­leiðis eft­ir­lit með að ákvæðum hennar sé fylgt.