Verð­mæti vöru­út­flutn­ings á fyrstu sex mán­uðum árs­ins var 22,6 pró­sentum hærra í ár en á sama tíma­bili 2014 og nam alls 332,4 millj­örðum króna. Verð­mæti inn­flutn­ingur jókst einnig á þessu tíma­bili, um alls 20,5 pró­sent milli ára, og nam 338,4 millj­örðum króna. Halli á vöru­skipt­um, það er munur á inn- og útflutn­ingi, á fyrri árs­helm­ingi var því 5,9 millj­arðar króna. Aukn­ing á inn­flutn­ingi nam 57,5 millj­örðum og aukn­ing á útflutn­ingi nam 61,3 millj­örðum króna.

Aukin inn­flutn­ingur er helst vegna flutn­ings á hrá- og rekstr­ar­vörum og flug­vél­um, sam­kvæmt frétt Hag­stofu Íslands um vöru­skipta­jöfnuð á fyrri helm­ingi árs­ins 2015. Iðn­að­ar­vörur voru 54 pró­sent alls útflutn­ings og var verð­mæti þeirra nærri 30 pró­sentum hærra en á sama tíma árið áður, aðal­lega vegna útflutn­ings á áli. Sjáv­ar­af­urðir voru 42,1 pró­sent alls vöru­út­flutn­ings og var verð­mæti þeirra 23,2 pró­sent hærra en á sama tíma árið áður, aðal­lega vegna útflutn­ings á fiski­mjöli.

Í júní síð­ast­liðnum voru fluttar út vörur fyrir 56,2 millj­arða en inn fyrir 66,4 millj­arða króna. Vöru­skiptin í þeim mán­uði voru því nei­kvæð um 10,2 millj­arða króna. Fyrir þann mánuð voru vöru­skipi því jákvæð það sem af var ári.