Kvik­mynda­gerð­ar­mað­ur­inn og þjóð­fé­lags­rýn­ir­inn Mich­ael Moore, sem kom hingað til lands síð­ast­lið­inn föstu­dag, er far­inn af landi brott. Eins og sést á með­fylgj­andi mynd var Moore í flug­stöð Leifs Eiríks­son­ar,en myndin var tekin fyrr í dag.

Mikil leynd hefur hvílt yfir ástæðum þess að Moore var staddur hér­lend­is, en ljóst er að um vinnu­ferð var að ræða. Upp­haf­lega héldu íslenskir fjöl­miðlar því fram að hann væri að vinna að heim­ild­ar­mynd um íslenska heil­brigð­is­kerfið en það reynd­ist ekki rétt. Á meðal þeirra sem Moore fund­aði með á meðan að á tveggja daga dvöl hans stóð voru Jón Gnarr, fyrrum borg­ar­stjóri Reykja­víkur og Birgitta Jóns­dótt­ir, þing­kona Pírata. Þá greindi Egg­ert Skúla­son, rit­stjóri DV, frá því í þætt­inum Viku­lok­unum á Rás 2 í gær að Moore hefði vakið hann með sím­tali þá um morg­un­inn og til stæði að þeir ættu fund síð­degis í gær. Sam­kvæmt upp­lýs­ingum Kjarn­ans varð ekk­ert af þeim fundi.

meanwhile in Reykja­vik... @fros­tign­arr @MM­Flint pic.twitt­er.com/ef52sxq­my5

Auglýsing

Auglýsing

— Jon Gnarr (@Jon_Gn­arr) May 8, 2015

 

Einn áhrifa­mesti maður í heimi árið 2005

Moore er einn þekkt­asti heim­ilda­mynda­gerð­ar­maður í heimi og og vakti fyrst athygli fyrir mynd­ina Roger and Me, sem fjallað um áhrif þess þegar General Motors lok­aði verk­smiðjum sínum í heima­borg Moore, Flint í Michig­an-­fylki. Hann hlaut síðan Ósk­arsverð­laun fyrir heim­ild­ar­mynd­ina Bowl­ing for Col­umbine, sem fjall­aði um hræði­leg fjöldamorð tveggja skóla­pilta í bænum Col­umbine og byssu­menn­ing­una í Banda­ríkj­un­um.

https://www.youtu­be.com/watch?v=M7Is43K6lrg

Árið 2004 kom svo út myndin Fahren­heit 9/11, sem fjallar um Banda­ríkin í kjöl­far árásanna sem áttu sér stað 11. sept­em­ber 2011. Sér­stöku ljósi var beint að George W. Bush, for­seta lands­ins, og sam­bandi fjöl­skyldu hans við Osama Bin Laden, sem bar ábyrgð á árás­un­um. Myndin var gríð­ar­lega umdeild en feyki­vin­sæl og fékk meðal ann­ars æðstu verð­laun kvik­mynda­há­tíð­ar­innar í Cann­es, Gullpálmann. Fahren­heit 9/11 er enn þann dag í dag sú heim­ild­ar­mynd sem hefur halað inn mestar tekjur í sög­unni, en í ágúst 2012 hafði hún tekið inn meira en 200 millj­ónir dala, um 26,4 millj­arða króna. Árið 2005, þegar athyglin vegna Fahren­heit 9/11 var sem mest, var Moore á lista tíma­rits­ins Time yfir 100 áhrifa­mesta fólk í heimi.

Þekkt­ustu myndir sem Moore hefur gert síðan eru Sicko og Capital­ism: A love story. Hann hefur auk þess skrifað fjöl­margar bækur og gert þrjár sjón­varps­þátt­arað­ir.