Hörður Felix Harð­ars­son, lög­maður Hreið­ars Más Sig­urðs­son­ar, segir dóm Hæsta­réttar í Al-T­hani mál­inu vera mikil von­brigði. Hann ætlar ekki að tjá sig meira um mál­ið. Aðrir lög­menn sak­born­inga, þeirra Sig­urðar Ein­ars­son­ar, Ólafs Ólafs­sonar og Magn­úsar Guð­munds­son­ar, tjáðu sig ekki um nið­ur­stöð­una. Sak­born­ing­arnir sjálfir voru ekki við­staddir dóms­upp­kvaðn­ingu í Hæsta­rétti.

Menn­irnir fjórir voru allir dæmdir sekir í mál­inu í Hæsta­rétti í dag. Hreiðar Már fékk fimm og hálfs árs fang­elsi, Sig­urður fjögur ár, Ólafur og Magn­ús ­fjögur og hálft ár. ­Dómur Hreið­ars Más var því stað­festur í Hæsta­rétti, dómur Sig­urðar mild­aður um eitt ár, en dómar Ólafs og Magn­úsar voru þyngd­ir.

Al-T­hani mál­ið, sem er eitt umfangs­mesta efna­hags­brota­mál sem komið hefur á borð dóm­stóla hér á landi, á rætur að rekja til hluta­bréfa­kaupa sheikh Mohammad Bin Khalifa Al-T­hani frá Katar hinn 22. sept­em­ber 2008 en félag hans keypti 5,01 pró­senta hlut í Kaup­þingi banka fyrir 25,7 millj­arða króna með láni frá bank­an­um. Al-T­hani er yngri bróðir emírs­ins í Katar en hann var per­sónu­legur vinur Ólafs Ólafs­sonar þegar málið komið upp.