Sjón­varps­á­horf á karla­lands­leiki í knatt­spyrnu mælist mun meira á Íslandi en í nágranna­ríkj­unum Dan­mörku, Nor­egi og Sví­þjóð, sam­kvæmt mæl­ingum birt­inga­fyr­ir­tæks­ins Medi­aCom á Íslandi. Með­al­á­horf á leiki Íslands gegn Hollandi og Kasakstan fyrr í sept­em­ber mæld­ist nærri fimm­tíu pró­sent. Yfir 90 pró­sent þeirra sem voru að horfa á sjón­varpið á þessum tíma dags voru að horfa á leik­ina tvo.

Eins og kunn­ugt er þá lagði Ísland lið Hol­lend­inga að velli með einu marki gegn engu fimmtu­dag­inn 3. sept­em­ber síð­ast­lið­inn og tryggði sér síðan þátt­töku­rétt á loka­móti Evr­ópu­móts­ins á sunnu­deg­inum eftir með marka­lausu jafn­tefli gegn Kasakst­an.

Næstir á eftir Íslend­ingum í fót­boltaglápi á lands­lið koma Dan­ir. Með­al­á­horf á leiki danska liðs­ins mælist 20 til 30 pró­sent. Með­al­á­horf á síð­ustu þrjá leiki Svía og Norð­manna hefur verið öllu lægra, eða á bil­inu 11 til 16 pró­sent.

Kjarn­inn fékk gögn frá Medi­aCom á Íslandi sem sýna sam­an­burð á sjón­varps­á­horfi á lands­leiki milli land­anna. Um er að ræða þrjá síð­ustu leiki lið­anna í und­ankeppni Evr­ópu­móts­ins, leiknir í júní og sept­em­ber. Töl­urnar má sjá hér fyrir neð­an.