Allar líkur eru á að skrifað verði und­ir­ nýjan kjara­samn­ing VR, Flóa­banda­lags­ins, LÍV og Stétt­ar­fé­lags Vest­ur­lands við Sam­tök atvinnu­lífs­ins (SA) eftir hádegi í dag. Ólafía B. Rafns­dótt­ir, for­maður VR, segir við Frétta­blaðið að samn­ing­ur­inn verði bor­inn undir stjórn VR á eftir og fáist sam­þykki sé hægt að ganga frá und­ir­rit­un. Eftir hana verða félags­menn í verka­lýðs­fé­lög­unum að greiða um samn­ing­anna atkvæði áður en hægt verður að sam­þykkja þá að fullu.

Í Morg­un­blað­inu er sagt frá því að nokkur stór mál hafi vaf­ist fyrir samn­ings­nefnd­unum á loka­metrum samn­ings­við­ræðna. Meðal þeirra mála var krafa verka­lýðs­fé­laga um sér­staka launa­hækkun fyrir fisk­vinnslu­fólk. Því máli tókst að ljúka um tíu­leytið í gær­kvöldi.

Þor­steinn Víglunds­son, fram­kvæmda­stjóri SA, sagði við Morg­un­blaðið að kjara­samn­ing­ur­inn væri mjög kostn­að­ar­samur fyrir atvinnu­líf­ið. Vonir væru bundnar við að með samn­ingi til svo lanfs tíma tæk­ist að vinna áfram á grund­velli auk­ins kaup­máttar og áfram­hald­andi stöð­ug­leika.

Lág­marks­laun verða 300 þús­und krónur árið 2018

Líkt og greint hefur verið frá er um samn­inga til loka árs 2018. Sam­kvæmt þeim eiga lág­marks­laun að hækka upp í 300 þús­und krónur í þrepum á samn­ings­tím­anum og launa­taxtar um 25 þús­und strax við sam­þykkt samn­ing­anna. Auk þess verður sett á fót svokölluð launa­þró­un­ar­trygg­ing. Hún verður upp á 7,2 pró­sent hækkun fyrir fólk með tekjur undir 300 þús­und krónur á mán­uði en pró­sentan lækkar síðan eftir hærri tekjum og verður að lág­marki þrjú pró­sent.

Laun munu koma til með að hækka jafnt og þétt til árs­ins 2018 með launa­þró­un­ar­trygg­ingu upp á 5,5 pró­sent árið 2016, taxta­hækkun upp á 4,5 pró­sent og almennri hækkun upp á þrjú pró­sent árið 2017 og loks þrjú pró­senta taxta­hækkun og tveggja pró­senta almennri hækkun árið 2018.

Stjórn­ar­and­staðan ótt­ast skatta­lækk­anir

Í Frétta­blað­inu er einnig greint frá því að stjórn­ar­and­staðan ótt­ist skatta­lækk­un­ar­til­lög­urnar sem rík­is­stjórnin ætlar að ráð­ast í sem inn­legg í kjara­samn­inga. Þær snú­ast um að afnema milli­skatt­þrepið þannig að ein­ungis tvö skatt­þrep verði í land­inu. Skatt­lagn­ing í efra þrepi mun hefj­ast við 700 þús­und króna mán­að­ar­laun og kostn­aður rík­is­sjóðs er talin verða á bil­inu 15 til 17 millj­arðar króna þegar breyt­ingin er komin að fullu til fram­kvæmda í árs­lok 2017. For­ystu­menn stjórn­ar­and­stöðu­flokk­anna segja að slík aðgerð feli í sér að skatt­kerfið nýt­ist ekki eins vel til tekju­jöfn­un­ar, en flokk­arnir hafa ekki fengið kynn­ingu á til­lög­un­um.