Hagn­aður MP banka á síð­ari árs­helm­ingi 2014 nam 494 millj­ónum króna sam­an­borið við 159 millj­óna króna tap á fyrri árs­helm­ingi. „Af­koma árs­ins 2014 er því 335 millj­óna króna hagn­aður eftir skatta, sam­an­borið við 477 millj­óna króna tap árið 2013,“ seg­ir í frétta­til­kynn­ingu frá MP banka.

„Bætt afkoma í rekstri MP banka á síð­ari hluta árs­ins 2014 end­ur­speglar jákvæða þróun rekstr­ar­tekna bank­ans, en þær juk­ust um 23% á milli árs­helm­inga. Rekstr­ar­tekjur námu 1.836 millj­ónum króna á síð­ari árs­helm­ingi, en voru 1.492 millj­ónir króna á fyrstu sex mán­uðum árs­ins. Rekstr­ar­tekjur árs­ins í heild námu því 3.328 millj­ónum króna. Hreinar þókn­ana­tekjur juk­ust um 12% á milli árs­hluta 2014, en þær námu 814 millj­ónum króna á fyrri hluta árs­ins og 916 millj­ónum króna á síð­ari hluta árs­ins. Hreinar þókn­ana­tekjur árs­ins 2014 í heild námu því 1.730 millj­ónum króna. Hreinar vaxta­tekjur lækk­uðu um 7% á milli árs­helm­inga. Þær námu 628 millj­ónum króna á síð­ari hluta árs­ins en voru 674 millj­ónir króna á fyrri hluta þess. Fyrir árið í heild námu hreinar vaxta­tekjur 1.302 millj­ónum króna. Veru­legur við­snún­ingur varð í fjár­fest­ing­ar­tekjum á milli árs­helm­inga og námu þær 234 millj­ónum króna á síð­ari hluta árs­ins, m.a. vegna sölu­hagn­aðar af eignum bank­ans í Lit­há­en,“ segir í frétta­til­kynn­ingu frá MP banka.

Íslands­banki og Arion banki skil­uðu báðir upp­gjörum í gær. Íslands­banki hagn­að­ist um 22,8 millj­arða króna í fyrra og Arion banki um 28,7 millj­arða.

MP banki og Straumur hafa þegar til­kynnt um vilja hlut­hafa bank­anna til þess að sam­ein­ast. Straumur hagn­að­ist um 225 millj­ónir í fyrra, og nam sam­an­lagður hagn­aður bank­anna tveggja því 560 millj­ónum króna.