Stjórnir MP banka hf. og Virð­ingar hf. hafa tekið sam­eig­in­lega ákvörðun um að halda ekki áfram við­ræðum um sam­ein­ingu félag­anna. Til­kynnt var um form­legar við­ræður þann 9. sept­em­ber síð­ast­lið­inn. Þetta kemur fram í til­kynn­ingu frá fyr­ir­tækj­un­um. „Að­ilar telja að við­ræð­urnar hafi verið áhuga­verðar og að miklir mögu­leikar geti falist í sam­ein­ingu félag­anna. Þær leiddu þó í ljós að áherslur og hug­myndir stjórna félag­anna voru ekki að öllu leyti þær söm­u,“ segir í til­kynn­ingu frá félög­un­um.

Kjarn­inn greindi frá því í lok ágúst og byrjun sept­em­ber að minni fjár­mála­fyr­ir­tæki á Íslandi hefðu rætt um að sam­eina krafta sína og voru hlut­hafar MP banka og Virð­ingar þar á með­al.

MP banki er með um 70 starfs­menn. For­stjóri er Sig­urður Atli Jóns­son og for­maður stjórnar er Þor­steinn Páls­son. MP banki er eini bank­inn sem er að fullu í eigu einka­að­ila s.s. líf­eyr­is­sjóða, fyr­ir­tækja og ein­stak­linga. MP banki sér­hæfir sig í að veita alhliða þjón­ustu á sviði eigna­stýr­ingar og fjár­fest­ing­ar­banka­starf­semi ásamt því að veita íslenskum fjár­fest­um, spari­fjár­eig­endum og atvinnu­lífi sér­hæfða banka­þjón­ustu. Afkomu­ein­ingar MP banka eru eigna­stýr­ing, banki og mark­að­ir.

 Virð­ing er alhliða verð­bréfa­fyr­ir­tæki sem veitir fjár­fest­inga­tengda þjón­ustu á sviði eigna­stýr­ing­ar, mark­aðsvið­skipta, fyr­ir­tækja­ráð­gjafar og rekst­urs fram­taks­sjóða. Virð­ing hefur starfs­leyfi sem verð­bréfa­fyr­ir­tæki og starfar undir eft­ir­liti FME. For­stjóri félags­ins er Hannes Frí­mann Hrólfs­son og stjórn­ar­for­maður Kristín Pét­urs­dótt­ir, sem jafn­framt er stærsti ein­staki eig­andi í gegnum KP Capi­tal ehf.