Gam­alt net­fang Bjarna Bene­dikts­sonar fjár­mála­ráð­herra er á meðal þeirra net­fanga sem tengj­ast gagna­leka af síð­unni Ashley Mad­i­son. Þóra Mar­grét Bald­vins­dótt­ir, eig­in­kona Bjarna, gerir þetta að umtals­efni á Face­book-­síðu sinni og Bjarni deildi inn­leggi Þóru á aðdá­enda­síðu sinni nú í hádeg­inu.

Þóra Mar­grét segir að þeim hjónum hafi borist margar ábend­ingar um að nú sé tals­vert rætt manna í milli að gam­alt net­fang Bjarna teng­ist gögn­un­um. Net­fangið sem um ræðir er bjarni­ben@n1.­is. Ashley Mad­i­son er vef­síða sem er ætluð fólki sem vill halda fram­hjá og kom­ast í kynni við annað fólk í sömu erinda­gjörð­um. Gögnum um mik­inn fjölda fólks var lekið á netið fyrr í mán­uð­in­um.

Þóra segir að þau hjónin hafi heyrt um þennan „um­deilda vef í erlendum fréttum fyrir um 7 árum (2008). Í fram­haldi af því skoð­uðum við vef­inn fyrir for­vitn­issakir, en til þess þurfti að fylla út þar til gert form, skrá net­fang, erlent póst­númer og fleira sem við gerðum í algjörum hálf­kær­ingi og af létt­úð,“ skrifar Þóra.

Hún segir þau hjónin aldrei síðan hafa farið inn á vef­inn og ekki hafi verið greitt fyrir skrán­ingu eða aðgang að hon­um. „Þessi heim­sókn hefur ekki leitt til sam­skipta við nokkurn mann, hvað þá trún­að­ar­brots af neinum toga. Ekki er allt sem sýn­ist á net­in­u,“ skrifar hún.