Bern­höfts­bak­arí við Berg­staða­stræti hækk­að­i verð fyrir rúnn­stykkið úr fimm­tíu krónum upp í átta­tíu krónur um ára­mót­in, eða þegar breyt­ingar á lægra þrepi virð­is­auka­skatts tóku gildi. Þegar árið 2015 gekk í garð hækk­aði lægra þrep skatts­ins, þar sem flest mat­væli heyra und­ir, úr sjö pró­sentum upp í ell­efu.

Í til­kynn­ingu sem Bern­höfts­bak­arí hefur uppi við í bak­arí­inu vegna verð­breyt­ing­ar­innar seg­ir: „Kæru við­skipta­vin­ir, allt tekur að lokum enda. Við mat­ar­skatts­hækk­un­ina núna um ára­mótin neyð­umst við til þess að hækka verðið á rúnn­stykkj­unum okk­ar. Við höfum boðið rúnn­stykkin á 50 krónur í heil 10 ár, þrátt fyrir allt það sem gengið hefur á í sam­fé­lag­in­u.“

Til­kynn­ingin sem Bern­höfts­bak­arí hefur hengt upp til að ­skýra hækkað verð á rúnn­stykkj­u­m.

Þá segir í til­kynn­ing­unni hjá Bern­höfts­bak­arí: „Við getum ekki lengur haldið því lága verði sem var. Þörfin fyrir hækkun hefur vaxið mikið síð­ustu árin.“

Verðið á rúnn­stykkj­unum hjá Bern­höfts­bak­arí hefur sem sagt hingað til staðið af sér banka­hrun og þreng­ingar í efna­hags­líf­inu, sem vart eiga sér hlið­stæðu. Ákvörðun stjórn­valda um að hækka mat­ar­skatt­inn varð að end­ingu kornið sem fyllti mæl­inn hvað rúnn­stykkin í Bern­höfts­bak­arí varð­ar.