Þungir fang­els­is­dómar Hæsta­réttar yfir Hreið­ari Má Sig­urðs­syni, fyrrum for­stjóra Kaup­þings, Sig­urði Ein­ars­syni, fyrrum starf­andi stjórn­ar­for­manni Kaup­þings, Magn­úsi Guð­munds­syni, fyrrum for­stjóra Kaup­þings í Lúx­em­borg og Ólafi Ólafs­syni, sem var einn stærsti eig­andi bank­ans fyrir hrun, hafa víðar vakið mikla athygli en á Íslandi.

Hreiðar Már fékk fimm og hálfs árs fang­elsi, Sig­urður fjögur ár, Ólafur og Magn­ús ­fjögur og hálft ár. Dóm­arnir féllu í gær.

Reuters frétta­stofan birtir frétt þar sem mála­vextir eru rakt­ir. Þar er meðal ann­ars rætt við Ólaf Þór Hauks­son, sér­stakan sak­sókn­ara, og haft eftir honum að Al-T­hani málið „sendir sterk skila­boð sem mun vekja upp umræðu. Það sýnir að þessi efna­hags­brota­mál geta verið erf­ið, en þau geta líka leitt af sér árang­ur“.

Ólafur segir að það séu minni líkur en meiri á því að sam­bæri­leg mál komi upp í fram­tíð­inni. Það séu sýni­legar vís­bend­ingar um að íslenskir bankar fari var­legar en áður, enda sé búið að senda út sterk skila­boð um hvað sé glæp­sam­legt athæfi“.

Aðspuður hvort hann myndi taka aftur við starfi sér­staks sak­sókn­ara ef honum yrði boðið það í dag og vit­andi hversu flóknar rann­sókn­irnar og mál­flutn­ing­ur­inn yrði sagði Ólaf­ur: „Já. Og ég yrði örugg­lega eini umsækj­and­inn aft­ur“.