Vegna bil­unar í Hell­is­heið­ar­virkjun er engin fram­leiðsla á heitu vatni í virkj­un­inni sem stend­ur, sam­kvæmt því sem segir í frétta­til­kynn­ingu frá Veit­um. Það þýðir að heild­ar­fram­leiðslu­geta á heitu vatni fyrir hita­veitu höf­uð­borg­ar­svæð­is­ins er skert um að minnsta kosti 20 pró­sent.

Í frétta­til­kynn­ingu Veitna segir að af þessum sökum þurfi að loka öllum sund­laugum á höf­uð­borg­ar­svæð­inu í dag og að von­ast sé til að lok­unin vari ein­ungis út dag­inn. Reyndar er opið í sund­laug­inni á Sel­tjarn­ar­nesi, en Hita­veita Sel­tjarn­ar­ness sér henni fyrir heitu vatni.

Fram kemur í til­kynn­ingu Veitna að teymi frá Orku Nátt­úr­unnar sé komið á stað­inn og við­gerð sé haf­in.

Fyrsta kulda­kast vetr­ar­ins gengur nú yfir og höfðu Veitur áður gefið það út að mögu­lega yrði ein­hverjum sund­laugum lokað vegna álags á flutn­ings­kerfi hita­veit­unn­ar.

Þær sund­laugar sem Veitur skoð­uðu að loka vegna áskor­ana í flutn­ings­kerfum voru Sund­höll Reykja­vík­ur, Vest­ur­bæj­ar­laug, Dals­laug, Suð­ur­bæj­ar­laug og Ásvalla­laug, en ekki hafði enn komið til lok­ana vegna álags­ins.

Vegna bil­un­ar­innar sem nú er í Hell­is­heið­ar­virkjun hefur þó verið gripið til þess ráð að loka næstum hverri ein­ustu sund­laug á höf­uð­borg­ar­svæð­inu, en alls eru þær 18 tals­ins.

Fréttin var upp­færð með til­liti til þess að sund­laugin á Sel­tjarn­ar­nesi er opin í dag, en áður sagði að öllum sund­laugum höf­uð­borg­ar­svæð­is­ins hefði verið lok­að.