Sam­staða hefur náðst í fjár­laga­nefnd um til­lögu stjórn­ar­and­stöð­unnar að greiða öryrkjum 53.000 króna auka­greiðslu skatt­frjálst og skerð­ing­ar­laust fyrir jól­in.

Þetta kemur fram í til­kynn­ingu frá stjórn­ar­and­stöð­unni. Í henni segir að þing­flokkar Sam­fylk­ing­ar­inn­ar, Flokks fólks­ins, Pírata og Við­reisnar fagni því að sam­staða hafi náðst í fjár­laga­nefnd um auka­greiðsl­una.

„Stjórn­ar­and­staðan hefur und­an­farið barist fyrir því að rík­is­stjórnin greiði öryrkjum ein­greiðslu líkt og gert var fyrir síð­ustu jól. Í síð­ustu viku lögðu full­trúar flokk­anna í fjár­laga­nefnd fram breyt­ing­ar­til­lögu við fjár­auka­lög þess efn­is. Það eru því gleði­tíð­indi að stjórn­ar­meiri­hlut­inn hafi loks fall­ist á til­lögu stjórn­ar­and­stöð­unnar og að fjár­laga­nefnd standi að baki slíkri til­lög­u,“ segir í til­kynn­ing­unni.

Aðgerðin skiptir þús­undir heim­ila sköpum yfir hátíð­irnar

Kristrún Frosta­dóttir þing­maður Sam­fylk­ing­ar­innar seg­ist í stöðu­upp­færslu á Face­book í kvöld fagna því að sam­staða hafi náðst í fjár­laga­nefnd rétt í þessu um til­lögu um að greiða öryrkjum auka­greiðsl­una.

„Þing­flokkar Sam­fylk­ing­ar, Flokks fólks­ins, Pírata og Við­reisnar hafa und­an­farið barist fyrir því að rík­is­stjórnin greiði öryrkjum og ein­stak­lingum á end­ur­hæf­ing­ar­líf­eyri ein­greiðslu eins og gert var fyrir síð­ustu jól. Í síð­ustu viku lögðu full­trúar flokk­anna í fjár­laga­nefnd fram breyt­ing­ar­til­lögu þess efn­is.

Það eru því gleði­tíð­indi að stjórn­ar­meiri­hlut­inn hafi loks fall­ist á til­lögu stjórn­ar­and­stöð­unnar og að fjár­laga­nefnd standi að baki slíkri til­lögu. Aðgerðin skiptir þús­undir heim­ila sköpum yfir hátíð­irn­ar!“ skrifar hún.