Ótt­arr Proppé er nýr for­maður Bjartrar fram­tíð­ar. Hann var sjálf­kjör­inn í emb­ættið á árs­fundi flokks­ins sem fram fór í dag á Ásbrú í Reykja­nes­bæ, enda einn í fram­boði.

Bryn­hildur S. Björns­dótt­ir, gjald­keri og vara­þing­maður flokks­ins, var kjörin nýr stjórn­ar­for­maður hans og tekur við emb­ætt­in­u af Mar­gréti Mart­eins­dótt­ur. Mar­grét hafði verið kjörin í starfið í lok jan­úar síð­ast­lið­ins, eftir að Heiða Kristín Helga­dótt­ir, hætti sem slík­ur.

Bryn­hildur S. Björns­dótt­ir, nýr stjórn­ar­for­maður Bjartrar fram­tíð­ar­.

Mar­grét sótt­ist ekki eftir end­ur­kjöri og sat því ein­ungis rúma fimm mán­uði í emb­ætti. Þrír aðrir sótt­ust eftir því að verða stjórn­ar­for­menn Bjartrar fram­tíð­ar. Þeir eru ­Guð­laug Krist­jáns­dótt­ir, for­seti bæj­ar­stjórnar í Hafn­ar­firði og sveita­stjórn­ar­full­trúi flokks­ins þar, Preben Pét­urs­son (vara­þing­maður Bjartrar fram­tíð­ar) og Matth­ías Freyr Matth­í­as­son.

Guð­mundur Stein­gríms­son, annar stofn­andi Bjartrar fram­tíð­ar, hafði verið for­maður flokks­ins frá því að hann var stofn­aður árið 2012. Hann sótt­ist ekki eftir end­ur­kjöri í emb­ætti.

Fleiri breyt­ingar hafa orðið í for­ystu Bjartrar fram­tíðar síð­ustu daga. Í gær ákvað þing­flokkur flokks­ins að Bryn­hildur Pét­urs­dótt­ir, þing­maður hans, yrði þing­flokks­for­maður í stað Róberts Mars­hall, sem hafði beðist lausn­ar.