Hlut­fall óverð­tryggðra íbúða­lána af íbúða­lánum til heim­ila, að frá­dregnum upp­greiðsl­um, hefur auk­ist í ár. Ný verð­tryggð íbúða­lán halda ekki í við upp­greiðslur og skulda­nið­ur­færsl­una. Þetta kemur fram í Morg­un­blað­inu í dag. Hluti nýrra lána fer í upp­greiðslur eldri lána.

Hlut­fall verð­tryggðra lána á fyrstu átta mán­uðum árs­ins um 61 pró­sent en hlut­fall óverð­tryggðra lána 39,3 pró­sent.

Allt árið í fyrra var hlut­fall verð­tryggðra lána 64,3 pró­sent, sem var mik­ill við­snún­ingur frá árinu 2013, þegar óverð­tryggð lán voru vin­sælli, og námu 61,6 pró­sent­um.

Vegna mik­illa upp­greiðslna gengur hratt á lán Íbúða­lána­sjóðs til heim­ila. Má laus­lega áætla að þau lán hafi minnkað um tæpa 40 millj­arða á fyrstu átta mán­uðum árs­ins, sem er 15 millj­örðum meira en öll verð­tryggð íbúða­lán hjá bönk­unum á sama tíma­bili. Leið­rétt­ingin skýrir þetta að hluta.

Verð­bólga er með minnsta móti líkt og verið hefur um langt skeið nú. Því gæti komið á óvart að hlut­fall verð­tryggðra lána sé ekki hærra, en á móti kemur að fyrr á árinu var meiri verð­bólgu spáð á seinni hluta árs­ins, sem gæti hafa haft áhrif.

Hlut­fall óverð­tryggðra lána er hæst hjá Arion banka, en þar er það rétt yfir 50 pró­sentum af nýjum lánum á árinu. Hjá Lands­bank­anum var hlut­fall verð­tryggðra lána 61,1 pró­sent og 59% hjá Íslands­banka.