Píratar hafa skipt Sæv­ari Óla Helga­syni, vara­manni í stjórn Faxa­flóa­hafna, út úr stjórn­inni fyrir Evu Lind Þur­íð­ar­dótt­ur. Þetta var gert í kjöl­far þess að rík­is­sak­sókn­ari hefur gefið út ákæru á hendur Sæv­ari Óla fyrir hót­anir í garð móður lög­reglu­manns, en hann hót­aði meðal ann­ars að kag­hýða hana að lög­reglu­mann­inum ásjá­andi. Í til­kynn­ingu frá Pírötum vegna breyt­ing­anna segir að Sævar Óli muni ekki gegna trún­að­ar­störfum fyrir Pírata á meðan að mál hans er óupp­gert.

Þá hafa Píratar einnig skipt um mann í hverf­is­ráði Breið­holts. Sig­mundur Þórir Jóns­son hefur vikið sæti fyrir Hreið­ari Eiríks­syni. Í til­kynn­ing­unni segir að Sig­mundur hafi nýverið flutt úr Breið­holti og stjórn­mála­afl­inu þyki rétt­ast að full­trúi sinn í ráð­inu búi í hverf­inu. Þar segir einnig: „Hreiðar er eng­inn hvít­voð­ungur í póli­tík en er þó nýliði hjá Píröt­um, en hann lað­að­ist að Pírötum í kjöl­far þess að hann sagði sig úr fram­boði fyrir Fram­sókn og flug­vall­ar­vini í síð­ustu sveit­ar­stjórn­ar­kosn­ing­un­um, og lét hann svo alfarið af störfum fyrir þann flokk.“

Hreiðar var í fimmta sæti á lista Fram­sóknar og flug­vall­ar­vina fyrir síð­ustu kosn­ing­ar. Nokkrum dögum áður en þær fóru fram til­kynnti Hreiðar að hann styddi ekki lengur fram­boð­ið. Ástæðan voru hin mjög svo umdeildu ummæli Svein­bjargar Birnu Svein­björns­dótt­ur, odd­vita Fram­sóknar og flug­vall­ar­vina, um að hún vildi aft­ur­kalla lóð sem hefði verið úthlutað til bygg­ingar mosku í Reykja­vík. Í til­kynn­ingu sem Hreiðar birti á Face­book í kjöl­farið sagði m.a. "Það er því með sorg í hjarta sem ég læt hér með vita af því að ég styð ekki lengur fram­boð Fram­sóknar og flug­vall­ar­vina til borg­ar­stjórnar í Reykja­vík".