Píratar vilja afgreiða stjórnarskrárfrumvarp Katrínar úr nefnd

Þingflokkur Pírata segir að það muni ekki stranda á sér að afgreiða stjórnarskrárfrumvarp forsætisráðherra úr stjórnskipunar- og eftirlitsnefnd, óháð því hvort sátt náist um málið eða ekki. Þingmenn eigi að fá að taka afstöðu til þess.

Jón Þór Ólafsson þingmaður og formaður stjórnskipunar- og eftirlitsnefndar Alþingis.
Jón Þór Ólafsson þingmaður og formaður stjórnskipunar- og eftirlitsnefndar Alþingis.
Auglýsing

Þingflokkur Pírata hefur sent frá sér yfirlýsingu þar sem fram kemur að þingflokkurinn sé tilbúinn að afgreiða frumvarp Katrínar Jakobsdóttur forsætisráðherra um breytingar á stjórnarskrá úr stjórnskipunar- og eftirlitsnefnd og ljúka vinnu við það fyrir komandi kosningar.

Píratar segjast einnig styðja að Alþingi komi saman í haust, á svokölluðum þingstubbi, til þess að taka frumvarpið til lokaafgreiðslu, en veruleg óvissa er uppi um það hver örlög frumvarpsins verða. Það játaði forsætisráðherra sjálf í viðtali við Heimi Má Pétursson í Víglínunni á Stöð 2 um liðna helgi.

Samstarfsflokkar VG hafi ekki áhuga á málinu

Jón Þór Ólafsson þingmaður Pírata og formaður stjórnskipunar- og eftirlitsnefndar segir við Kjarnann að Píratar muni ekki standa í vegi fyrir því að málið fari úr nefnd og fái umræðu í þingsal. Hann segir ýmislegt gott í frumvarpi Katrínar, en hans upplifun sé að það séu tveir flokkar í stjórnarsamstarfinu sem hafi engan áhuga á að gera eitthvað með frumvarp forsætisráðherra.

Auglýsing

Hann segir góða vinnu hafa verið unna í nefndinni eftir að frumvarpið var lagt fram á þingi, en að síðan hafi lítið gerst. Það sé því hans upplifun, nema eitthvað breytist núna og málið komist út úr nefnd, að málið allt sé pólitískt „sjónarspil“ og hafi verið lagt fram bara „til að leggja eitthvað fram.“

„Við viljum málið úr nefnd svo að það sé hægt að ræða stjórnarskránna,“ segir Jón Þór og segir það einu skipta hvort einhver sátt náist í nefndinni eða ekki. Þá verði það bara þingmanna að ræða málið áfram og taka afstöðu til breytingartillagna sem hafa komið fram.

Kalla eftir þjóðaratkvæði

„Verði frumvarpið samþykkt á Alþingi telja Píratar rétt að frumvarpið verði svo borið undir þjóðaratkvæði áður en nýtt þing tekur það til afgreiðslu,“ segir í yfirlýsingu þingflokks Pírata.

Þar segir einnig að ef frumvarpið dagi uppi í nefndinni og komi ekki til afgreiðslu þingsins sé það „lágmarkskrafa“ Pírata að afgreitt verði breytingarákvæði á stjórnarskránni sem tryggi möguleikann á breytingum á stjórnarskrá í bindandi þjóðaratkvæðagreiðslu.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Fjallahjólabrautin við Austurkór var eitt verkefna sem valið var til framkvæmda af íbúum í íbúðalýðræðisverkefninu Okkar Kópavogur í fyrra.
Kópavogsbær skoðar flötu fjallahjólabrautina betur eftir holskeflu athugasemda
Kópavogsbær hefur boðað að fjallahjólabraut við Austurkór í Kópavogi verði tekin til nánari skoðunar, eftir fjölda athugasemda frá svekktum íbúum þess efnis að brautin gagnist lítið við fjallahjólreiðar.
Kjarninn 24. júlí 2021
Með stafrænum kórónuveirupassa fæst QR kóði sem sýna þarf á hinum ýmsu stöðum.
Munu þurfa að framvísa kórónuveirupassa til að fara út að borða
Evrópska bólusetningarvottorðið hefur verið notað vegna ferðalaga innan álfunnar síðan í upphafi mánaðar. Í Danmörku hefur fólk þurft að sýna sambærilegt vottorð til að sækja samkomustaði og svipað er nú uppi á teningnum á Ítalíu og í Frakklandi.
Kjarninn 24. júlí 2021
Eldgosið í Geldingadölum hefur verið mikið sjónarspil. Nú virðist það í rénun.
Ráðherra veitir nafni nýja hraunsins formlega blessun sína
Eins og lög gera ráð fyrir hefur Lilja Dögg Alfreðsdóttir mennta- og menningarmálaráðherra staðfest nafngift nýja hraunsins í landi Grindavíkurbæjar. Fagradalshraun mun það heita um ókomna framtíð.
Kjarninn 24. júlí 2021
Ferðamenn við Skógafoss.
Lágur smitfjöldi talinn mikilvægur fyrir heilsu og hagsmuni ferðaþjónustu
Ótti við að lenda á rauðum listum sóttvarnayfirvalda í Evrópu og Bandaríkjunum var tekinn inn í heildarhagsmunamat ríkisstjórnarinnar varðandi nýjar sóttvarnaráðstafanir innanlands. Á morgun verður mannlífið heft á ný vegna veirunnar.
Kjarninn 24. júlí 2021
Einkabílaeign á Ísland er hlutfallslega sú hæsta í Evrópu.
Getur Ísland keyrt sig út úr loftslagsvandanum?
Orkuskipti í samgöngum er eitt helsta framlag íslenskra stjórnvalda í baráttunni við loftslagshamfarir. Rafbílar eru hins vegar ekki sú töfralausn sem oft er haldið fram. Vandamálið er ekki bensíndrifnir bílar heldur bíladrifin menning.
Kjarninn 24. júlí 2021
Daði Már Kristófersson
Gölluð greinargerð um fyrningu aflaheimilda
Kjarninn 24. júlí 2021
Nýútskrifaðir sjúkraþjálfarar hafa sem sakir standa ekki kost á því að starfa á einkareknum stofum innan greiðsluþátttökukerfis hins opinbera fyrr en eftir tveggja ára starf í greininni.
Nýútskrifaðir sjúkraþjálfarar byrja að veita þjónustu án greiðsluþátttöku ríkisins
Á nokkrum sjúkraþjálfarastofum er nú hægt að bóka þjónustu nýútskrifaðra sjúkraþjálfara, en þá þarf að greiða fullt verð fyrir tímann, vegna ákvæðis í reglugerð heilbrigðisráðherra. Tveir eigendur stofa segja þetta ekki gott fyrir skjólstæðinga.
Kjarninn 24. júlí 2021
Ríkisstjórnin fundaði á Egilsstöðum í dag. Mynd úr safni.
200 manna samkomutakmarkanir til 13. ágúst
Í mesta lagi 200 manns mega koma saman frá miðnætti á morgun og þar til 13. ágúst og eins metra regla verður í gildi. Barir og veitingahús þurfa að loka á miðnætti.
Kjarninn 23. júlí 2021
Meira úr sama flokkiInnlent