Ráðuneytið bregst við umfjöllun Kastljóss, telur það hafa farið með rangt mál

Ragnheidur-elin-2.jpg
Auglýsing

Atvinnu­vega- og nýsköp­un­ar­ráðu­neytið hefur sent frá sér yfir­lýs­ingu vegna umfjöll­unar Kast­ljóss um íviln­un­ar­samn­ing sem það gerði nýverið við Matorku. Í yfir­lýs­ing­unni kemur fram að ráðu­neytið telur Kast­ljós hafa farið rangt með nokkur atriði og vill „leið­rétta þessar missagn­ir“. Yfir­lýs­ingin er send að beiðni Ragn­heiðar Elínar Árna­dott­ur, iðn­að­ar- og við­skipta­ráð­herra.

Hér að neðan eru athuga­semdir ráðu­neyt­is­inseins og þær eru fram­settar í yfir­lýs­ing­unni:



Í fyrsta lagi ber að árétta að ekki er efn­is­legur munur á fjár­fest­ing­ar­samn­ingi við Matorku og öðrum nýlegum fjár­fest­ing­ar­samn­ingum. Í Kast­ljósi var þannig rangt með farið að í fjár­fest­ing­ar­samn­ingi frá 2014 við Thorsil, vegna kís­il­vers í Helgu­vík, væri gert ráð fyrir 18% tekju­skatts­hlut­falli og að þar væri ekki gert ráð fyrir þjálf­un­ar­styrkj­um. Hið rétta er að fjár­fest­ing­ar­samn­ing­ur­inn við Thorsil, frá maí 2014, er efn­is­lega sams konar og fjár­fest­ing­ar­samn­ing­ur­inn við Matorku og inni­heldur bæði 15% tekju­skatts­hlut­fall og kveðið er á um mögu­leika á þjálf­un­ar­styrkj­um. Veit­ing þjálf­un­ar­að­stoðar er þó ávallt háð heim­ild í fjár­lögum og á það jafnt við um Thorsil og Matorku.

Í öðru lagi ber að hafa í huga að þegar fjallað er um hlut­fall rík­is­að­stoðar í fjár­fest­ing­ar­samn­ingi þá ræðst það af stærð við­kom­andi verk­efnis og fyr­ir­tækis. Sam­kvæmt EES reglum lækkar þetta hlut­fall eftir því sem verk­efnið er stærra og því eru rík­ari heim­ildir til að styrkja minni fyr­ir­tæki en stærri. Á þessum grund­velli er hlut­fallið hærra í til­viki Matorku (35%) en Thorsil, þó svo að sjálfar íviln­an­irnar séu efn­is­lega þær sömu. Veit­ing þjálf­un­ar­styrks er síðan ávalt háð sér­stöku mati og sam­þykki á fjár­lög­um, og sams konar ákvæði hefur verið í fyrri fjár­fest­ing­ar­samn­ingum hvað það varð­ar. Í öllu falli getur hlut­fallið aldrei orðið 60% eins og fram kom í umfjöllun Kast­ljóss og í Við­skipta­blað­inu í síð­ustu viku. Þar af leið­andi getur aldrei verið um 700 m.kr. rík­is­að­stoð að ræða í samn­ingnum við Matorku. Hámarkið í eft­ir­gjöf opin­berra gjalda sam­kvæmt samn­ingnum er 425 m.kr. ef allar for­sendur ganga eft­ir. Fyr­ir­tækið hefur að auki lagt inn umsókn um 50 m.kr. þjálf­un­ar­að­stoð til þess að mennta starfs­fólk sem félagið hyggst ráða.  Til skoð­unar er hvort félagið geti fengið hluta þess kostn­aðar í formi fram­lags frá rík­inu í sam­ræmi við  reglur EES. Slík fjár­veit­ing yrði háð sam­þykki Alþingis eins og fram kemur í fjár­fest­ing­ar­samn­ingn­um..

Í þriðja lagi er mik­il­vægt að halda því til haga að umræddir fjár­fest­ing­ar­samn­ingar fela ekki í sér að afslættir frá til­teknum sköttum séu greiddir beint út, óháð fram­vindu verk­efn­is­ins. Hinar veittu íviln­anir eru skatta­legs eðlis og þannig beint tengdar rekstri við­kom­andi verk­efnis og hugs­an­legum fram­tíðar skatt­greiðslum þess (sem ella hefðu ekki fallið til þar sem íviln­unin er for­senda verk­efn­is­ins). Auk þess er um tíma­bundnar íviln­anir að ræða á fyrstu árum verk­efn­is­ins. Ef verk­efnið verður ekki að veru­leika er því ekki um neinar íviln­anir að ræða og ef það er minna að umfangi en áætl­anir stóðu til þá lækka veittar íviln­anir sem því nem­ur. Í samn­ingnum er þannig ein­göngu kveðið á um hvert hámarkið geti orð­ið.

Auglýsing

Ef rekstur félags hefst seinna en áætl­anir gerðu ráð fyrir þegar fjár­fest­ing­ar­samn­ingur var und­ir­rit­að­ur, þ.e. hefst 2018 í stað 2016, þýðir það í raun að félag fær afslátt af sköttum í færri ár en ella vegna þess að fjár­fest­ing­ar­samn­ingur gildir að hámarki í 13 ár frá und­ir­ritun hans og ein­göngu er heim­ilt að veita afslátt í 10 ár.

Þetta almenna fyr­ir­komu­lag við veit­ingu skatta­legra íviln­ana er því efn­is­lega ólíkt því þegar á fjár­lögum eru sam­þykktar sér­stakar fjár­veit­ingar (styrkir) til fram­kvæmda við t.d. iðn­að­ar­lóð vegna fisk­eld­is­vinnslu á Bíldu­dal eða lóð­ar­fram­kvæmda á Bakka við Húsa­vík, eins og gert hefur verið á liðnum árum.

Í fjórða lagi verður að benda á að í fjár­fest­ing­ar­samn­ingnum við Matorku, líkt og við gerð ann­arra fjár­fest­ing­ar­samn­inga, er það hlut­verk l nefndar á vegum ráðu­neyt­is­ins að fara með fag­legum hætti yfir umsóknir um íviln­anir og leggja mat á það hvort þær upp­fylli þau skil­yrði sem sett eru fyrir veit­ingu íviln­ana en hluti af þeirri skoðun er m.a. að fara yfir upp­lýs­ingar um þá aðila sem að verk­efn­inu standa. Að lok­inni yfir­ferð sinni gerir nefndin til­lögu til ráð­herra um afgreiðslu við­kom­andi umsókn­ar. . Ráð­herra kemur því ekki að yfir­ferð umsókna á fyrri stig­um, hvorki í þessu máli né öðr­um. Alfarið er því vísað á bug aðdrótt­unum um að ann­ar­leg sjón­ar­mið, eins og frænd­semi eða önnur tengsl, hafi haft áhrif á að gerður var fjár­fest­ing­ar­samn­ingur við Matorku. Það á hvorki við í þessu máli né öðrum þeim fjár­fest­ing­ar­samn­ingum sem gerðir hafa verið á und­an­förnum árum. Allar starfs­greinar eru jafnar fyrir lögum um íviln­anir

Fyr­ir­huguð lög­gjöf um íviln­anir og fram­kvæmd stjórn­valda á henni er ramma­lög­gjöf og sam­kvæmt henni eru íviln­anir almennt í boði fyrir öll fyr­ir­tæki sem hyggja á nýfjár­fest­ingar og upp­fylla almenn skil­yrði lag­anna (m.a. um stað­setn­ingu á byggða­kort­i). Lög­gjöfin gerir því ekki upp á milli fyr­ir­tækja eða atvinnu­greina. Það er heldur ekki í höndum fram­kvæmda­valds­ins að velja eða gera upp á milli fyr­ir­tækja í þeim efn­um, enda kemur fram í 40. gr. stjórn­ar­skrár­innar að skatta­málum beri að skipa með lögum (þar með talið skatta­legum íviln­un­um). Ekki er því unnt að semja sér­stak­lega um skatta­leg frá­vik ein­stakra fyr­ir­tækja án þess að almenn laga­heim­ild sé til stað­ar. Bæði lögin og fram­kvæmd þeirra tryggja því jafn­ræði þegar kemur að veit­ingu íviln­ana. Ef ætl­unin væri að tak­marka veit­ingu íviln­ana við atvinnu­greinar sem ekki eru fyrir í land­inu þyrfti að gera það með almennum hætti. Það myndi þá hafa þær afleið­ingar að ekki væri hægt að veita íviln­anir til að laða hingað til lands fleiri fyr­ir­tæki í ýmsum greinum sem hingað til hafa verið talin eft­ir­sókn­ar­verð, t.a.m. gagna­vers­iðn­aði og líf­tækni.

Frum­varp til laga um íviln­anir til nýfjár­fest­inga er nú til með­ferðar á Alþingi og í ljósi umræð­unnar er eðli­legt að Alþingi skoði nánar hvort ástæða sé til að þrengja frekar skil­yrði þess að veita íviln­anir vegna nýfjár­fest­inga, án þess þó að það gangi gegn þeirri stefnu stjórn­valda sem kemur fram í stjórn­ar­sátt­mál­anum frá maí 2013 um að leita leiða til að efla og örva nýfjár­fest­ingar í land­inu.

Til upp­lýs­inga er hér listi yfir þau fyr­ir­tæki sem gerðir hafa verið fjár­fest­ing­ar­samn­ingar við að und­an­förnu og efn­is­legt inni­hald þeirra samn­inga:

 

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Gylfi Zoega, prófessor í hagfræði.
Ekki æskilegt að einblína á fjölgun starfa í ferðaþjónustu í hálaunalandi eins og Íslandi
Prófessor í hagfræði segir að ferðaþjónusta sé grein sem þrífist best í löndum þar sem vinnuafl er ódýrt. Endurreisn ferðaþjónustu í sömu mynd og áður sé því varla æskileg, enda hafi hún að uppistöðu verið mönnum með innfluttu vinnuafli.
Kjarninn 1. júní 2020
Barnabætur og sérstakur barnabótaauki skilaði 15 milljörðum til barnafjölskyldna
Íslenska barnabótakerfið hefur verið harðlega gagnrýnt undanfarin ár fyrir að vera fyrst og fremst nokkurs konar fátækrahjálp við tekjulágar fjölskyldur. Tekjutengdu bæturnar hækkuðu lítillega í fyrra og sérstakur barnabótaauki var greiddur út á föstudag.
Kjarninn 1. júní 2020
Þorsteinn Már Baldvinsson, er annar forstjóra Samherja.
Sjávarútvegsfyrirtæki fengu 175 milljónir króna úr hlutabótaleiðinni
Tvö dótturfyrirtæki Samherja skera sig úr á meðal sjávarútvegsfyrirtækja sem nýttu hlutabótaleiðina. Alls voru 245 starfsmenn þeirra settir á leiðina. Samstæðan ætlar að endurgreiða ríkissjóði greiðslurnar sem hún fékk.
Kjarninn 1. júní 2020
Eiríkur Rögnvaldsson
Tölum íslensku við útlendinga
Kjarninn 1. júní 2020
Unnur Sverrisdóttir, forstjóri Vinnumálastofnunar.
Fyrirtækin sem ætla að endurgreiða hlutabætur fá reikning í vikunni
Stöndug fyrirtæki sem nýttu sér hlutabótaleiðina, en hafa óskað eftir því að fá að endurgreiða það sem þau fengu úr ríkissjóði í gegnum hana, munu fá send skilaboð í vikunni um hvað þau skulda og hvernig þau eiga að borga.
Kjarninn 1. júní 2020
Landamæri margra landa opna á nýjan leik á næstunni. En ferðamennska sumarsins 2020 verður með öðru sniði en venjulega.
Lokkandi ferðatilboð í skugga hættu á annarri bylgju
Lægri skattar, niðurgreiðslur á ferðum og gistingu, ókeypis gisting og læknisaðstoð ef til veikinda kemur eru meðal þeirra aðferða sem lönd ætla að beita til að lokka ferðamenn til sín. Á sama tíma vara heilbrigðisyfirvöld við hættunni á annarri bylgju.
Kjarninn 1. júní 2020
Samtal við samfélagið
Samtal við samfélagið
Samtal við samfélagið – Glæpur og refsing: Skipta kyn og kynþáttur máli?
Kjarninn 1. júní 2020
Minkar eru ræktaðir á búum víða um heim, m .a. á Íslandi, vegna feldsins.
Menn smituðust af minkum
Fólk er talið hafa borið kórónuveiruna inn í minkabú í Hollandi. Minkarnir sýktust og smituðu svo að minnsta kosti tvo starfsmenn. Engin grunur hefur vaknað um kórónuveirusmit i minkum eða öðrum dýrum hér á landi.
Kjarninn 1. júní 2020
Meira úr sama flokkiInnlent
None