Emb­ætti sér­staks sak­sókn­ara hefur lokið rann­sókn á meintum umboðs­svikum fyrrum stjórn­enda og eig­enda trygg­inga­fé­lags­ins Sjó­vá. Nið­ur­staðan er að eng­inn verður ákærður og málið látið niður falla. Ákvörðun þess efnis var tekin skömmu fyrir jól. Þetta stað­festir Ólafur Þór Hauks­son, sér­stakur sak­sókn­ari, við Frétta­blaðið.

Í lbað­in­u er haft eftir Þór Sig­fús­syni fyrrum for­stjóra Sjóvá sem hefur verið með stöðu grun­aðs manns í 65 mán­uði, að hann hafi búist við þess­ari nið­ur­stöðu leng­i.„Ég hef ekki heyrt í neinum frá emb­ætt­inu í tæp þrjú ár. Það eina sem ég myndi hvetja til er að það verði horft til þess með laga­setn­ingu að svona geti ekki end­ur­tekið sig, að fólk geti verið á sjötta ár til rann­sókn­ar," sagði Þór.

Sjó­vár­málið snérist meðal ann­ars um lán­veit­ingar úr bóta­sjóði Sjó­vár og hvort að stjórn­endur og eig­endur félags­ins hefðu farið út fyrir heim­ildir sínar með þeim lán­um. Emb­ætti sér­staks sak­sókn­ara gerði meðal ann­ars hús­leit hjá Þór Sig­fús­syni, Karli Wern­ers­syni, fyrrum stjórn­ar­for­manni og aðal­eig­anda Milesto­ne, og Guð­mundi Ólafs­syni, fyrrum for­stjóra Milestone á árinu 2009. Þeir voru allir yfir­heyrðir og fengu stöðu grun­aðra á meðan yfir­heyrslur stóðu yfir­.Auk þess var leitað í höf­uð­stöðvum Milesto­ne, fyrrum eig­anda Sjó­vár og í höf­uð­stöðvum trygg­inga­fé­lags­ins.

Ríkið þurfti að koma að Sjóvá á árinu 2009 og trygg­inga­rekstur félags­ins var færður á nýja kenni­tölu haustið 2009. Hann var síðar seldur til nýrra eig­enda. Búist er við því að tap rík­is­ins af afkomu þess að Sjóvá sé um fjórir millj­arðar króna.