Starfs­menn ISAL, sem rekur álver Rio Tinto á Íslandi í Straums­vík, fengu allir sent bréf í frá Rann­veigu Rist, for­stjóra fyr­ir­tæk­is­ins, í gær þar sem rekstr­ar­erf­ið­leikum fyr­ir­tæk­is­ins var lýst og afstaða þess í kjara­við­ræðum við starfs­menn sett í sam­hengi við þá stöðu. Í þeim við­ræðum hefur ISAL viljað breyta hluta af störfum starfs­manna úr föstum störfum í verk­töku og borið fyrir sig sam­keppn­is­sjón­ar­mið. Það sé sann­gjarnt að fyr­ir­tækið starfi við sömu aðstæður og önnur fyr­ir­tæki á Íslandi og geti boðið út auk­inn hluta af starf­semi sinni.

Rekstr­ar­erf­ið­leikar vegna töðu á mörk­uðum og nýrra samn­inga

Í bréf­inu, sem Morg­un­blaðið greinir frá,  segir að afkoma ISAL sé slæm og að á árunum 2012 og 2013 hafi fyr­ir­tækið tapað sjö millj­örðum króna. Á síð­asta ári hafi verið um 400 millj­óna krona hagn­aður en að hann sam­svari ein­ungis 0,3 pró­sent ávöxtun eigin fjár. Síðan segir orð­rétt: „Staða á mörk­uðum er slæm og hefur versnað veru­lega frá ára­mót­um. Heims­mark­aðs­verð á áli hefur lækkað mikið og það á einnig við um mark­aðs­upp­bæt­ur, sem eru hluti af verð­inu sem við fáum fyrir álið. Eft­ir­spurn er langt undir áætl­un­um. Sam­an­lögð áhrif þessa á sölu­tekjur ISAL eru harka­leg. Og þar sem orku­verð ISAL er ekki lengur tengt við álverð þolum við lágt álverð miklu verr en áður.“

Áróður vegna slæmra ákvarð­ana stjórn­enda

Ólafur Teitur Guðna­son, upp­lýs­inga­full­trúi RioT­into á Íslandi, segir við Morg­un­blaðið að bréfið hafi verið sent út til þess að upp­lýsa starfs­menn um afstöðu fyr­ir­tæk­is­ins. Skyn­sam­legt sé að þeir hafi eins miklar upp­lýs­ingar undir höndum og hægt sé.

Gylfi Ingv­ars­son, tals­maður verka­lýðs­fé­lag­anna í Straums­vík,  er ekki sömu skoð­un­ar. Hann segir við Morg­un­blaðið að um áróður sé að ræða og að stjórn­endur séu að láta slæmar ákvarð­ana­tökur sínar koma niður á starfs­mönn­um. „ISAL gerði nýjan samn­ing árið 2010 við Lands­virkjun sem átti að vera alveg rosa­lega góður en leiðir í raun til þess að ISAL er að borga 40% hærra verð en Norð­urál og Fjarða­ál. Þær tækni­breyt­ingar sem áttu að ger­ast í þriðja skál­anum um 20% fram­leiðslu­aukn­ingu, og áttu að borga fram­leiðslu­breyt­ingar í steypu­skála, eru ein­göngu 8%. Þetta eru allt ákvarð­ana­tökur stjórn­enda og eig­enda sem setja fyr­ir­tækið í þá stöðu sem það er í núna. Þeir sjá enga aðra leið en að það eigi að lækka laun hjá 80 starfs­mönn­um,“ segir Gylfi.