Það er rétt og skylt að ræða heið­ar­lega og öfga­laust um hversu hratt ríki eigi að taka á móti erlendum rík­is­borg­ur­unum og hvaða skil­yrði þeir eigi að þurfa að upp­fylla. Þetta kemur fram  í Reykja­vík­ur­bréfi Morg­un­blaðs­ins í dag. Þar segir einnig: „Öfgarnar felst í því að reyna að úti­loka slíka umræðu. Umræðu­bannið var meg­in­ein­kenni stjórn­mála­stefnu sem fáir vilja aðhyll­ast nú“. Sú stjórn­mála­stefna sem þar er vísað til er nas­ismi sem fjallað er um í fyrri hluta bréfs­ins.

Davíð Odds­son, annar rit­stjóri Morg­un­blaðs­ins.

Reykja­vík­ur­bréfið er skrifað af öðrum hvorum rit­stjóra Morg­un­blaðs­ins, þeim Davíð Odds­syni eða Har­aldi Johanessen, en birt­ist nafn­laust. Bréfið í dag fjallar um sögu­lega kyn­þátta­hyggju og kyn­þátt­ar­hatur og síðan vikið að umræð­unni eins og hún er í nútím­an­um. Þar segir að nú þurfi „lítið til að hreytt sé „ras­isti“ í menn þegar fyr­ir­ferð­ar­mestu kján­arnir telja sig hafa fengið síð­ustu töl­una í bingóinu sjái þeir orðið múlatti notað eftir merk­ingu sinn­i“.

Þar segir að nú þurfi „lítið til að hreytt sé „ras­isti“ í menn þegar fyr­ir­ferð­ar­mestu kján­arnir telja sig hafa fengið síð­ustu töl­una í bingóinu sjái þeir orðið múlatti notað eftir merk­ingu sinni“.

Þarna er verið að vísa í gagn­rýni sem kom fram á Reykja­vík­ur­bréf sem birt­ist í Morg­un­blað­inu í júlí í sumar þar sem höf­undur þess kall­aði Barack Obama, for­seta Banda­ríkj­anna, vera „blökku­maður (múlatti raun­ar)“. Orða­notk­unin vakti mikla athygli og sætti harðri gagn­rýni.

Kjána­leg hróp um ras­isma

Um­ræða um inn­flytj­enda­mál og mögu­lega útlend­inga­andúð í íslenskum stjórn­málum hefur verið uppi í tengslum við ummæli sem féllu hjá fram­bjóð­anda Fram­sókn­ar­flokks­ins í aðdrag­anda síð­ustu sveita­stjórn­ar­kosn­inga, sem virt­ust hafa skilað henni miklu fylgi. Ákveð­inn hluti manna í Sjálf­stæð­is­flokknum hafa á und­an­förnum miss­erum velt upp sterkri afstöðu í inn­flytj­enda­málum sem mögu­legri stjórn­mála­skoðun sem flokk­ur­inn ætti að skoða alvar­lega að taka upp. Skrif þess efnis hafa til að mynda áður birtst í rit­stjórn­ar­skrifum Morg­un­blaðs­ins.

Í Reykja­vík­ur­bréf­inu í dag segir að það sé jafn­frá­leitt að forð­ast óþægi­lega þjóð­fé­lags­um­ræðu á borð við inn­flytj­enda­mál með aðkasti og hrópum og reyna að þagga hana niður með vísun til eigin for­dóma og hefja ras­ista­stimpil á loft. „Um­ræðan um sam­skipti Ísra­ela og nágranna þeirra á svo sann­ar­lega rétt á sér. Með sama hætti og rétt er og skylt að ræða heið­ar­lega og öfga­laust hversu hratt ríki, stórt eða smátt, ætlar að taka á móti erlendum rík­is­borg­urum og þá með hvaða skil­yrð­um. Öfgarnar fel­ast í því að reyna að úti­loka slíka umræðu. Umræðu­bannið var meg­in­ein­kenni stjórn­mála­stefnu sem fáir vilja aðhyll­ast nú“.

Bréf­rit­ar­inn segir að „kjána­leg hróp manna um ras­isma án þess að ljóst sé hvað rétt­lætir meið­yrðin eru ekki til nokk­urs gagns. Yfir­borðs-kjag af því tagi og ógrund­aðar álykt­anir hafa þó ekki lang­tíma­á­hrif. Allt er sett í einn graut. Fæst stenst nokkra skoð­un“.