Erna Guð­munds­dótt­ir, lög­maður BHM, segir við RÚV að ríkið hafi viljað bjóða BHM það sama og samið hafi verið um á almennum mark­aði. Það hefði þýtt fjög­urra til sex pró­senta hækkun á árs­grund­velli og að auki hefði samn­ing­ur­inn átt að gilda til árs­ins 2019. Þetta hafi verið óásætt­an­legt. „Við erum mjög ábyrg en við erum líka að sækj­ast eftir því að menntun verði metin til launa.“ Hálf­tíma áður en ríkið sleit við­ræðum við BHM hafði Félags íslenskra hjúkr­un­ar­fræð­inga slitið sínum kjara­við­ræðum við rík­ið. „Það var ljóst á fund­inum í dag að það er lít­ill vilji hjá ­rík­inu til þess að semja við hjúkr­un­ar­fræð­inga. Hvorki virð­ist vera vilji til þess að leið­rétta laun þeirra og gera þau sam­bæri­leg við laun ann­arra háskóla­mennt­aðra rík­is­starfs­manna né að leið­rétta kyn­bund­inn launa­mun,“ segir í frétta­til­kynn­ingu frá Félagi íslenskra hjúkr­un­ar­fræð­inga. Hjúkr­un­ar­fræðingar hófu ótíma­bundið verk­fall fyrr í vik­unni og ljóst er að það heldur áfram. Félag hjúkr­un­ar­fræð­inga segir ómögu­legt að segja til um hvenær næsti samn­inga­fundur verði boð­aður