Sam­kvæmt upp­lýs­ingum á heima­síðu Fjár­mála- og efna­hags­ráðu­neyt­is­ins fá rík­is­starfs­menn 10.800 krónur í dag­pen­inga til greiðslu fæð­is­kostn­aðar á ferða­lögum sínum inn­an­lands. Skil­yrði fyrir greiðsl­unni er að starfs­maður sé fjar­ver­andi lengur en í tíu tíma. Sé ferða­lagið styttra, minnst sex tímar, hljóðar upp­hæð­in ­upp á 5.400 krón­ur.

Í fyr­ir­liggj­andi virð­is­auka­skatts­frum­varpi ­Bjarna Bene­dikts­son­ar, fjár­mála- og efna­hags­ráð­herra, er gert ráð fyrir að hver mál­tíð kosti fjög­urra manna fjöl­skyldu 248 krónur á mann. Sam­kvæmt neyslukönnun Hag­stof­unn­ar, sem fjár­mála- og efna­hags­ráðu­neytið segir að hafi legið til grund­vallar sínum útreikn­ing­um, er miðað við að það kosti 745 krónur á dag að fæða hvern ein­stak­ling í fjög­urra manna fjöl­skyldu.

Ferða­kostn­að­ar­nefnd ákvarðar dag­pen­inga til greiðslu gisti- og fæð­is­kostn­aðar rík­is­starfs­manna á ferða­lögum inn­an­lands á vegum rík­is­ins. Sé tekið mið af neyslu­við­mið­inu sem birt­ist í virð­is­auka­skatts­frum­varp­inu myndu 10.800 krón­ur, sem rík­is­starf­se­menn fá til að greiða fyrir mat á ferða­lögum sínum duga fyrir 43 mál­tíðum á dag.