Á hlut­hafa­fundi Rík­is­út­varps­ins ohf.(RÚ­V), sem haldin var í dag, var ákveðið að reikn­ingsár félags­ins verði héðan í frá almann­aks­árið í stað þess að vera frá 1. sept­em­ber til 31. ágúst ár hvert. Þetta kemur fram í til­kynn­ingu til Kaup­hallar Íslands. Íslenska ríkið er eini hlut­hafi RÚV.

Því er ekki von á næsta árs­reikn­ingi RÚV fyrr en í byrjun árs 2016.

Magnús Geir Þórð­ar­son útvarps­stjóri segir ein­falda skýr­ingu á þessum breyt­ing­um. „Reikn­ingsár RÚV hefur verið frekar óvenju­legt um ára­bil. Á síð­ustu árum hefur þetta fyr­ir­komu­lag valdið ítrek­uðum vand­ræðum og það hafa komið fjöldi beiðna frá hinu opin­bera um að breyta þessu. Stjórn­völd, stjórn RÚV og stjórn­endur félags­ins voru sam­mála því að það væri hent­ugra fyrir rekst­ur­inn að hafa þetta eins og er hjá flestum fyr­ir­tækjum í land­inu, og ekki síður eins og fjár­laga­árið, enda fær RÚV tekjur af fjár­lög­um.“

Breyt­ing­arnar hafa verið í und­ir­bún­ingi í tölu­verðan tíma og unnar í sam­vinnu við við­eig­andi stofn­an­ir, eins og Fjár­sýslu rík­is­ins.

Í sam­tali við stjórn­völd

Það hafa fleiri vær­ingar átt sér stað hjá RÚV und­an­farna daga. Í gær var und­ir­rit­aður samn­ingur um að leigja Reykja­vík­ur­borg hluta Útvarps­húss­ins við Efsta­leiti undir starf­semi þjón­ustu­mið­stöðvar Laug­ar­dals og Háa­leit­is. Húsa­leigan er 4,9 millj­ónir króna á mán­uði og samn­ing­ur­inn er til 15 ára.

Auk þess var á sama tíma til­kynnt um að efnt verði til hug­mynda­sam­keppni um upp­bygg­ingu á 59 þús­und fer­metra svæði við hlið Útvarps­húss­ins. Gert er ráð fyrir að íbúðir verði byggðar á svæð­inu. Ráð­ist var í þessar aðgerðir til að laga fjár­hags­stöðu RÚV, en félagið er mjög skuld­sett og það hefur bitnað á lög­bundnum rekstri fjöl­miðla þess.

Varð­andi aðrar hag­ræð­ing­ar­að­gerðir segir Magnús Geir ekk­ert liggja fyrir í þeim efn­um. „Við erum að vinna úr stöð­unni og fara heild­rænt yfir hana. Við erum í sam­tali við stjórn­völd um það. En það liggur ekk­ert annað fyr­ir.“