Efna­hags­svið Sam­taka atvinnu­lífs­ins (SA) hefur brugð­ist við athuga­semdum Þór­ar­ins G. Pét­urs­son­ar, aðal­hag­fræð­ings Seðla­banka Íslands, og segja sér­fræð­ingar sviðs­ins að for­sendur þeirra við útreikn­inga hafi verið rang­ar. „Við gengum út frá því að SÍ væri [að] spá um þróun nafn­launa­vísi­tölu Hag­stof­unn­ar. Það var rangt. Við lifum og lærum,“ segir í tísti frá efna­hags­sviði SA.

Við gengum út frá því að SÍ væri spá um þróun nafn­launa­vísi­tölu Hag­stof­unn­ar. Það var rangt. Við lifum og lær­um. htt­p://t.co/5Xr­HQz0Bzw

— Efna­hags­svið SA (@Efna­hagssvidSA) Aug­ust 21, 2015

Áður hafði efna­hags­sviðið sent frá sér graf sem sýndi hversu mikið laun þyrftu að hækka það sem eftir lifir árs til að ný spá Seðla­banka Íslands stand­ist, en í nýj­ustu Pen­inga­mál­um, árs­fjórð­ungs­legu riti Seðla­bank­ans, er því spáð að laun hækki í ár um um 10,4 pró­sent.

Í sam­tali við Kjarn­ann sagði Þór­ar­inn þessa útreikn­inga SA byggða á mis­skiln­ingi. Spá Seðla­bank­ans um hækkun launa snúi að engu leyti að launa­vísi­tölu Hag­stof­unnar heldur launa­kostnað miðað við þjóð­hags­reikn­inga. Í spá bank­ans sé tekið til­lit til kjara­samn­inga sem und­ir­rit­aðir voru í vor en í þeim hefur meðal ann­ars verið samið um laun sem gilda aft­ur­virkt. Launa­vísi­tala Hag­stof­unnar komi því mál­inu ekk­ert við.

Fyrri umfjöllun Kjarn­ans má lesa hér.