Tíð­indi úr bíla­iðn­aði að und­an­förnu benda til þess að miklar breyt­ingar séu handan við horn­ið. Sumir ganga svo langt að tala um mestu breyt­ingar í meira hálfa öld. Þær snú­ast meðal ann­ars um þróun á sjálfa­kandi bílum og einnig miklum fram­förum sem hafa orðið að und­an­förnu þegar kemur að þróun bíla sem ganga fyrir raf­magni.

Nýj­ustu tíð­ind­in, frá því í gær, sýna líka að stóru bíla­fram­leið­end­urnir eru að und­ir­búa sig fyrir miklar breyt­ing­ar. BMW, Audi og Mercedes, þýsku bílarisarn­ir, eru sam­eig­in­lega að festa kaup á Here korta­hug­bún­aði Nokia fyrir rúm­lega 400 millj­arða króna. Þykir þetta renna stoðum undir að þróun sjálfa­kandi bíla sé langt kom­in, jafn­vel lengra en ýmsir grein­ing­ar­að­ilar á mark­aði hafa gert sér grein fyr­ir.

Það hefur áður verið minnst á það á þessum vett­vangi, að Íslandi ætti að geta stigið stærri skref en margar aðrar þjóðir þegar kemur að raf­væð­ingu bíla­flot­ans. Fréttir úr alþjóð­legum heimi bíla­iðn­að­ar­ins benda til þess að nauð­syn­legt sé að fylgj­ast vel með hverju skrefi og jafn­vel hraða upp­bygg­ingu inn­viða fyrir raf­bíla­væð­ingu hér á landi. Það sakar aldrei að vera vel und­ir­búin þegar hraðar tækni­bylt­ingar ryðj­ast fram á sjón­ar­svið­ið.