Í dag und­ir­rit­aði Samiðn f.h. aðild­ar­fé­laga nýjan kjara­samn­ing við Sam­tök atvinnu­lífs­ins sem gildir til­ loka árs 2018. Þetta kemur fram í til­kynn­ingu frá Samiðn.

Almennar launa­hækk­anir eru í takt við gerða samn­inga Fló­ans og VR sem und­ir­rit­aðir voru 29. maí s.l. og voru sam­þykktir í dag með miklum meiri­hluta atkvæða. Almennar launa­hækk­anir eru metnar á um 16% en þær eru breyti­legar vegna launa­þró­un­ar­trygg­ing­ar. ­Gerðar eru breyt­ingar á kaup­taxta­kerf­inu. Byrj­un­ar­taxti var færður upp í eins árs taxta, öðrum töxtum hliðrað upp en sjö ára taxti fellur út.

Þannig hækka byrj­un­ar­laun um rúm 15% strax, en um 30% á samn­ings­tím­an­um. Með breyt­ingum á kaup­taxta­kerf­inu er verið að færa taxta­kerfið nær ­mark­aðs­laun­um, að því er segir í til­kynn­ingu, en það er gert m.a til að draga úr félags­legum und­ir­boð­u­m. Auk þessa voru gerða ýmsar lag­fær­ingar á gild­andi kjara­samn­ing­i. ­Samn­ing­ur­inn verður kynntur félags­mönnum á næstu dög­um, sam­kvæmt til­kynn­ingu, og atkvæða­greiðsla hefst í byrjun næst­u viku og lýkur um hádegi 15. júlí.