Már Guð­munds­son seðla­banka­stjóri sagði á kynn­ing­ar­fundi stýri­vaxta­á­kvörð­unar í dag að útboð aflandskróna sé handan við horn­ið. Það verði ekki í októ­ber, en áður höfðu haust­mán­uð­irnir októ­ber eða nóv­em­ber verið nefndir lík­legar tíma­setn­ing­ar, en eins og staðan sé núna þá verði útboðið haldið rétt fyrir eða eftir ára­mót. Már sagði að mikil vinna hafi átt sér stað við und­ir­bún­ing, meðal ann­ars í sam­ráði við erlenda ráð­gjafa. „Ég held þeir séu í bank­anum í dag,“ sagði Már á fund­in­um.

Útboð aflandskróna er einn stórra þátta í áætlun stjórn­valda um losun fjár­magns­hafta. Áætl­unin var kynnt í júní síð­ast­liðn­um. Már sagði raun­veru­leik­ann oft reyn­ast flókn­ari en áætl­anir geri ráð fyrir og því geti hann ekki gefið nákvæm­ari dag­setn­ingu útboðs­ins.

Annar stór þáttur í los­un­ar­á­ætlun stjórn­valda er upp­gjör slita­bú­anna. Báðir þættir munu hafa mikil áhrif á hag­stærðir í banka- og efna­hags­kerf­inu, þar á með­al­ ­lausa­fjár­stöðu bank­anna. Á fund­inum í morgun sagði Már það skyn­sam­legt að láta þessa tvo við­burði ekki ger­ast sam­tím­is. „Þótt við getum reiknað út áhrif aðgerð­anna á kerfið í heild þá er ekki alveg ljóst hvernig það fellur á ein­stakar stofn­an­ir. Það geta verið rök fyrir því að hafa meira bil á milli þerra,“ sagði Már og tók fram að á næstu vikum muni bank­arnir vita nánar hver áhrif aðger­anna verða. Gefa verði bönk­unum svig­rúm til að und­ir­búa sig. „Það er mik­il­vægt að þetta verði eins lítið högg og hægt er. Við vitum að báðar aðgerðir eru hag­stæðar fyrir þjóð­ar­búið en það þarf að huga að áhrifum á starf­andi banka.“

Einn liður í und­ir­bún­ingi fyrir þessar aðgerð­ir, þ.e. aflandskrón­u­út­boð og upp­gjör slita­bú­anna, er hækkun bindi­skyldu úr tveimur pró­sentum í fjögur pró­sent. Pen­inga­stefnu­nefnd til­kynnti um hækkun bindi­skyld­unnar í morg­un, þegar hún til­kynnti um óbreytta stýri­vexti.

Á fund­inum sagði Már að breyt­ing á bindi­skyldu væri tíma­bundin aðgerð hluti af los­un­ar­á­ætl­un­inni. Breyt­ingin væri ekki gerð til að auka aðhald pen­inga­stefn­unn­ar, þótt áhrif hækk­un­ar­innar liggi ekki nákvæm­lega fyrir hvað það varð­ar. „Við getum ekki verið viss um að áhrifin séu hlut­laus, en þau ættu í öllu falli ekki að vera mik­il,“ sagði Már.