Eigna­­safn Seðla­banka Íslands ehf. (ESÍ) hef­ur ákveðið að bjóða til sölu allt að 23,7 millj­­ón­ir hluta í Nýherja hf. sem sam­svar­ar 5,8 pró­sent út­­gef­inna hluta í fé­lag­inu. Gengi bréfa í Nýherja stend­ur í 10,35 krón­um á hlut og er hlut­­ur­inn því að and­virði um 245,5 millj­­óna króna, miðað við mark­aðsvirði.

Sal­an mun fara fram í útboði án út­­gáfu­lýs­ing­ar í sam­ræmi við und­an­þág­u­heim­ild í lög­­um verð­bréfa­við­skipti, en MP banka ann­ast söl­una, að því er fram kemur í til­kynn­ingu til Kaup­hallar Íslands.

Til­­­boð þurfa upp­­­fylla þrjú skil­yrði: Til­­­boðs­gjaf­ar þurfa í fyrsta lagi að lág­­marki bjóða í 500.000 hluti að nafn­verði í Nýherja hf. Þá þurfa greiðslu­skil­­mál­ar að vera hefð­bundn­ir, við­skipta­dag­ur verður 18. júní 2015 og upp­­­gjör­s­dag­ur 22. júní 2015. Að lok­um skal til­­­boð und­ir­­ritað og sent til verð­bréfa­miðl­un­ar MP banka hf. með tölvu­­pósti fyr­ir klukk­an 16:00 þann 18. júní 2015.

Öll sam­þykkt til­­­boð mið­ast við það gengi sem til­­­boðs­gjafi legg­ur inn. Til­­­boðum em upp­­­fylla ekki fram­an­­greind skil­yrði verður hafn­að. Eigna­­safn Seðla­bank­ans áskil­ur sér all­an rétt til að hafna öll­um til­­­boðum sem ber­­ast.

Mark­aðsvirði Nýherja hefur auk­ist nokkuð að und­an­förnu, og hefur gengið hækkað úr rúm­lega fimm í byrjun árs­ins, í 10,35 um þessar mund­ir.

Stjórn Nýherja ákvað á dög­unum að setja 25 pró­sent eign­ar­hlut í dótt­ur­fyr­ir­tæk­inu TEMPO ehf. í sölu­ferli. Félagið hefur ráðið Icora Partners sem umsjón­ar­að­ila, með lok­uðu útboði. Þess er vænst að sölu­ferlið muni hefj­ast á þriðja árs­fjórð­ungi 2015.

Mark­miðið með útboð­inu er að styðja enn frekar við hraðan vöxt TEMPO ehf., með auknu fjár­magni og sér­þekk­ingu, sem mun nýt­ast ann­ars vegar til að hraða vöru­þróun og hins vegar til að auka mark­aðs­starf og styrkja upp­bygg­ingu TEMPO vöru­merk­is­ins erlend­is.