Drífa Snædal, fram­kvæmda­stjóri Starfs­greina­sam­bands­ins, segir að Sam­tök atvinnu­lífs­ins (SA) hafi lýst því yfir við fyr­ir­tæki innan SA að verka­lýðs­hreyf­ingin hafi hafnað til­boð­inu áður en Starfs­greina­sam­bandið fékk að „sjá nokk­urt til­boð“. Þetta kemur fram í frétta­til­kynn­ingu frá Drífu. „Áður höfðu önnur lands­sam­bönd og félög innan verka­lýðs­hreyf­ing­ar­innar greini­lega fengið slíkt til­boð og hafnað því sam­stund­is,“ segir í til­kynn­ing­unni.

Almennar launa­hækk­anir sem SA bauð í til­boð­inu er 14% á þremur árum, að með­al­tali 30.000 króna hækkun taxta á þremur árum. Aðrar launa­hækk­anir í til­boð­inu voru til­færslur sem verka­fólk greiddi sjálft með lækkun yfir­vinnu­pró­sentu og leng­ingu dag­vinnurammans, segir Drífa.  Við erum ekki til við­ræðu um slíkt nema það sé tryggt að hægt sé að lifa á dags­vinnu­laun­um, svo var ekki í til­boð­inu. „Lág­marks­tekju­trygg­ingin sem í dag er 214.000 krónur eftir 4 mán­aða starf var hækkuð í til­boð­inu og end­aði í 280.000 krónum eftir tvö ár eftir 6 mán­aða starf hjá sama fyr­ir­tæki - inni í þess­ari trygg­ingu er hvers­konar bón­us-, álags- og auka­greiðsl­ur,“ segir í til­kynn­ingu Drífu.

Drífa segir enn fremur að samn­inga­nefnd Starfs­greina­sam­bands­ins hefði verið  „þess full­viss“ eftir lestur til­boðs­ins að samn­ingur á þessum grunni yrði felldur í atkvæða­greiðslu og til lít­ils væri unnið að fara með hann fyrir samn­inga­nefndir ein­stakra félaga.

„Hvað varðar yfir­lýs­ingar SA um að til­boðið sé hærra en allar samn­ings­nið­ur­stöður í kjara­samn­ingum síð­ustu ár þá má rifja upp samn­ing sem gerður var við flug­menn og flug­stjóra og und­ir­rit­aður í des­em­ber 2014. Sá samn­ingur gaf starfs­fólk­inu hund­ruðir þús­unda í launa­hækkun næstu tvö ár,“ segir Drífa í til­kynn­ingu, en SA heldur því fram til­boð sam­tak­anna til Starfs­greina­sam­bands­ins, hafi falið í sér 23,5 pró­sent hækkun lægstu launa.