Sig­mar Guð­munds­son mun ekki snúa aftur í Kast­ljósið í haust. Sig­mar hefur verið rit­stjóri þátt­ar­ins um nokk­urra ára skeið en hann til­kynnti í maí að hann væri far­inn í leyfi til að fara í  á­feng­is­með­ferð á Vogi vegna glímu sinnar við alkó­hól­isma. Sig­mar stað­festir þetta við Vísi. Ekki liggi fyrir hver taki við starfi rit­stjóra en Þóra Arn­órs­dóttir hefur gegnt starf­inu í fjar­veru Sig­mars.

Í sam­tali við Vísi seg­ist Sig­mar ekki ætla að vera rit­stjóri þátt­ar­ins næsta vet­ur. "Það hentar mér ekki. Eins og menn vita ­fór ég í með­ferð og er að taka á mínum mál­um. Stressið og álagið og þessir löngu vinnu­dagar henta mér engan veg­inn meðan ég sinni bat­anum og fjöl­skyld­unni. Um þetta erum við, ég og yfir­menn mín­ir, algjör­lega sam­mála. Ég hef óskað eftir þægi­legri inni­vinnu á skrif­stofu­tíma." Hann segir það ekki liggja fyrir hver taki við, en eðli­leg­ast sé að það sé Þóra. "En ég hef ekki hug­mynd um að hvort hún hafi áhuga á því. Því þetta starf er langt því frá að vera fjöl­skyldu­vænt.“

Í frétt­inni segir einnig að fleiri breyt­ingar séu fyr­ir­hug­aðar varð­andi Kast­ljós og að hug­myndir séu uppi um að tengja þátt­inn nánar við menn­ing­ar­þátt­inn Djöfla­eyj­una með innslög­um. Djöfla­eyjan myndi þá leggj­ast af í núver­andi mynd.