„Í hádeg­inu verður kynnt áætlun um afnám gjald­eyr­is­hafta og ýmis atriði sem tengj­ast því. Mikil und­ir­bún­ings­vinna, unnin af ótrú­lega snjöllu og öfl­ugu fólki, hefur staðið lengi. Fram­kvæmdin hófst svo í gær­kvöldi, þegar Alþingi sam­þykkti eins konar und­an­fara­frum­varp á óvenju­legum tíma. Það leiddi til þess að ein­hverjir sáu ástæðu til þess að setja á flot vanga­veltur sem ekki eru á rökum reist­ar. Aðal­at­riðið er að nú er þetta gríð­ar­mikla fram­fara­skref fyrir íslenskt efna­hags­líf og þar með alla lands­menn loks að verða að veru­leika.“

Þetta segir Sig­mundur Davíð Gunn­laugs­son for­sæt­is­ráð­herra á Face­book síðu sinni, en klukkan 12:00 verða kynnt áform um losun fjár­magns­hafta, á sér­stökum blaða­manna­fundi sem fram fer í Hörpu­. Á Face­book síðu for­sæt­is­ráðu­neyt­is­ins kemur fram að ástæðan fyrir því að lögum um gjald­eyr­is­mál var breytt, hafi verið sú að þetta séu óvenju­leg mál sem kalli á óvenju­legar lausn­ir. Því hafi þurft að afgreiða lögin í flýti í gær, sem eru eins konar und­ir­bún­ings­að­gerð fyrir áform um afnám hafta, sem kynnt verð á eft­ir.