Sig­mundur Davíð Gunn­laugs­son for­sæt­is­ráð­herra var sæmdur stór­krossi hinnar íslensku fálka­orðu þann 13. des­em­ber síð­ast­lið­inn. Ekki hefur verið greint frá veit­ing­unni ann­ars­staðar en á und­ir­síðu nefndar sem veitir fálka­orð­una á heima­síðu emb­ættis for­seta Íslands. Frá þessu er greint á DV.­is.

Sig­mundi Davíð var veitt orðan laug­ar­dag­inn 13. des­em­ber, skömmu eftir að hann snéri aftur úr fríi sem hann fór í með eig­in­konu sinni vegna fer­tugs­af­mæli henn­ar. For­sæt­is­ráð­herr­ann var gagn­rýndur víða fyrir að fara í fríið þar sem hann missti af annarri umræðu fjár­laga á Alþingi fyrir vik­ið.

Guðni Ágústs­son for­maður orðu­nefndar

Sex manns sitja í orðu­nefnd fálka­orð­unn­ar. Guðni Ágústs­son, fyrrum for­maður Fram­sókn­ar­flokks­ins, er for­maður nefnd­ar­inn­ar. Aðrir sem í henni sitja eru Ell­ert B. Schram, Rakel Olsen, Ólafur Egils­son, Þór­unn Sig­urð­ar­dóttir og Örn­ólfur Thors­son. Stór­kross­inn er þriðja efsta stig fálka­orð­unn­ar.

Þá var Einar K. Guð­finns­son, for­seti Alþing­is, sæmdur stór­ridd­ara­krossi þann 12. des­em­ber 2014.

Orðu­stig Hinnar íslensku fálka­orðu eru fimm tals­ins. Fyrsta stig orð­unnar er ridd­ara­kross­inn og eru flestir orðu­þegar sæmdir hon­um. Annað stig er stór­ridd­ara­kross, þriðja stig stór­ridd­ara­kross með stjörnu og fjórða stig er stór­kross. Æðsta stig fálka­orð­unnar er keðja ásamt stór­kross­stjörnu en hana bera ein­ungis þjóð­höfð­ingj­ar.