Sigmundur Davíð segir þjóðina veruleikafirrta

sigmundur.jpg
Auglýsing

Sigmundur Davíð Gunnlaugsson, forsætisráðherra, skýrir ört minnkandi stuðning almennings við ríkisstjórnina og stjórnarflokkanna á kjörtímabilinu í áhugaverðu viðtali sem birtist á Eyjunni í dag.

Aðspurður um hinn þverrandi stuðning, svarar forsætisráðherra í samtali við blaðamann Eyjunnar: „Að einhverju leyti skýrist þetta kannski á þessu rofi milli raunveruleika og skynjunar eða umfjöllunar. En þarna er líka hollt að líta til annarra landa. Það eru framkvæmdar sambærilegar kannanir til dæmis í Bretlandi fyrir kosningarnar þar, þar sem mátti sjá svipaðar niðurstöður. Stjórnmálamenn eru ekkert sérstaklega vel liðnir á Vesturlöndum þessa dagana. Það tekur á sig ýmsar birtingarmyndir, en almennt er ríkjandi mjög mikið vantraust í garð stjórnmálamanna og flokka. Sérð það líka náttúrlega á þessum fylgiskönnunum og þessu ótrúlega fylgi sem Píratar fá.“

Þá segir Sigmundur Davíð að neikvæð umræða, sem sé oft byggð á rangfærslum, hafi sín áhrif. „Auk þess er alveg gegnumgangandi, og þetta á ekki bara við hér á Íslandi en þetta hefur verið sérstaklega áberandi hér undanfarin ár, að það er verið að ala á tortryggni í garð alls og allra. Draga upp þá mynd af öllu sem gert er, að það hljóti að vera eitthvað grunsamlegt þar að baki. Allt frá breytingum á fiskveiðistjórnunarkerfinu að lækkun tolla og gjalda þar sem er fullyrt, einfaldlega ranglega, að verið sé að hygla fólki með hærri tekjur þegar sérstaklega er verið að huga að þeim sem eru með lægri tekjurnar, eins og tölurnar sýna okkur. Þetta stöðuga niðurrifstal auðvitað hefur sín áhrif. Það er búið að vera ráðandi hér neikvæðni og tortryggni sem getur orðið mjög skaðleg,“ segir forsætisráðherra í samtali við Eyjuna.

Raunveruleikinn eitt, tilfinningin eitthvað annað


Aðspurður um af hverju ónægjan í samfélaginu með ástand mála stafi, og af hverju fólk sjái sig knúið til að fara í verkföll til að knýja fram kjarabætur, svarar Sigmundur Davíð: „Raunveruleikinn er oft eitt og svo er tilfinningin eitthvað annað. Því er mjög oft haldið á lofti núna, ranglega, að misskipting sé að aukast hér á landi. Auðvitað er ekki fullkominn jöfnuður hér frekar en annars staðar, en hann er þó meiri hér en víðast hvar, ef ekki alls staðar annars staðar. Og hefur verið að lagast enn í tíð þessarar ríkisstjórnar. En stöðugt er fullyrt að hið gagnstæða sé raunin.“

Þjóðin á að vera bjartsýn og jákvæð


Þá tekur Sigmundur Davíð undir það að ríkisstjórninni hafi mistekist að „virkja samtakamátt þjóðarinnar og vinna gegn því sundurlyndi og tortryggni sem einkennt hafi íslensk stjórnmál og umræðu í samfélaginu um nokkurt skeið,“ eins og það er orðað í stjórnarsáttmála ríkisstjórnarflokkanna.

Auglýsing

„Það er alveg rétt að það er mikið sundurlyndi ríkjandi. Það satt best að segja ætti ekki að þurfa að vera eins mikið og það er. Bjartsýni og jákvæðni ætti að vera ríkjandi. Þegar við berum þróunina hér á landi saman við þróunina nánast alls staðar annars staðar, þá ættum við Íslendingar að vera bjartsýn á framtíðina. Reyndar verður þarna að fylgja sögunni þó ég tali um að neikvæðni og tortryggni séu áberandi í umræðu hér á landi, þá er þó stór hluti þjóðarinnar ekki á þeim stað. Þótt auðvitað hafi þetta smátt og smátt áhrif. Við sjáum að mjög stór hluti Íslendinga vill fara að líta fram á við og er orðinn þreyttur á niðurrifstalinu,“ segir forsætisráðherra í áðurnefndu viðtali við Eyjuna.

 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Meiri líkur en minni á því að hægt verði að mynda miðjustjórn sem teygir sig til vinstri
Þrjár gerðir fjögurra flokka stjórna sem innihalda miðju- og vinstriflokka mælast með meiri líkur á að geta orðið til en sitjandi ríkisstjórn hefur á því að sitja áfram.
Kjarninn 20. september 2021
Frá undirritun lífskjarasamningsins í apríl árið 2019.
Forsendur brostnar og örlög lífskjarasamningsins ráðist 30. september
Forsendunefnd ASÍ og SA hefur komist að þeirri niðurstöðu að forsendur lífskjarasamningsins frá 2019 séu brostnar, hvað aðgerðir stjórnvalda varðar. Formaður VR segir að örlög samninganna muni ráðast á fundi samninganefnda ASÍ og SA 30. september.
Kjarninn 20. september 2021
Sonja Ýr Þorbergsdóttir
Einkarekstur í heilbrigðisþjónustu er engin töfralausn
Kjarninn 20. september 2021
Þorvarður Bergmann Kjartansson
Þegar sumir hafa vald yfir öðrum
Kjarninn 20. september 2021
Hildur Gunnarsdóttir
Húsnæðispólitík og arkitektúr
Kjarninn 20. september 2021
Inga Sæland, formaður Flokks fólksins
Gæti kostað 50-60 milljarða að gera 350 þúsund króna laun skatt- og skerðingalaus
Staðreyndavakt Kjarnans skoðar fullyrðingu Ingu Sæland um að færsla á persónuafslætti frá „þeim ríku“ til hinna efnaminni geti fjármagnað 350 þúsund króna skattfrjálsa framfærslu.
Kjarninn 20. september 2021
Segja mikilvægt að undirbúa innviði og regluverk fyrir græna orkuframleiðslu
Íslendingar ættu að nýta þau tækifæri sem felast í orkuskiptum hérlendis og undirbúa innviði og regluverk fyrir samkeppnishæfa framleiðslu á kolefnislausum orkugjöfum, að mati tveggja verkfræðinga hjá EFLU.
Kjarninn 20. september 2021
Jóhann Friðrik Friðriksson
Heilbrigðiskerfi ekki óheilbrigðiskerfi
Kjarninn 20. september 2021
Meira úr sama flokkiInnlent
None