Sig­mundur Davíð Gunn­laugs­son for­sæt­is­ráð­herra seg­ist ekki hafa átt nokkra ein­ustu aðkomu að eig­enda­skiptum á DV og seg­ist ekk­ert vita um aðdrag­anda og gang þeirra mála, annað en það sem fram hefur komið í fjöl­miðl­um. Þetta kemur fram í stöðu­upp­færslu sem hann setti inn á Face­book í gær þar sem hann fjallar um til­raun til fjár­kúg­unar gagn­vart sér og fjöl­skyldu sinni.

Vísir greindi frá því í lið­inni viku að upp­lýs­ing­arn­ar ­sem syst­urnar Malín Brand og Hlín Ein­ars­dóttir hót­uðu að gera opin­ber­ar, borg­aði for­sæt­is­ráð­herra þeim ekki nokkrar millj­ónir króna,  hefðu snú­ist um fjár­hags­leg tengsl Sig­mundar Dav­íðs og Björns Inga Hrafns­sonar fjöl­miðla­manns. Upp­haf­lega var sagt að hin meintu tengsl snertu kaup Björns Inga á DV í fyrra­haust en síðar í vik­unni kom fram að upp­lýs­ing­arnar sem syst­urnar töldu að myndu koma Sig­mundi Davíð illa ef þær yrðu gerðar opin­berar hafi snú­ist um að for­sæt­is­ráð­herr­ann eða aðilar tengdir hon­um hafi haft aðkomu að því að Pressan ehf. hafi fengið lána­fyr­ir­greiðslu hjá MP banka. Björn Ingi er aðal­eig­andi Pressunn­ar.

Arnar Ægis­son, fram­kvæmda­stjóri Pressunn­ar, stað­festi við Vísi í vik­unni að skuldir Pressunnar hefðu hækkað um rúm­lega 60 milljón króna á árinu 2013. Þar sagði hann að lík­lega sé um að ræða yfir­færslu á yfir­drætti sem var í eign­ar­halds­fé­lag­inu Vef­press­unni ehf. Hann stað­festi einnig að yfir­drátt­ur­inn sé hjá MP banka. ­Sig­urður Atli Jóns­son, for­stjóri MP banka, er giftur systur for­sæt­is­ráð­herra. MP banki sagði í yfir­lýs­ingu í síð­ustu viku að bank­inn geti ekki geta tjáð sig efn­is­lega um hvort nafn­greindir ein­stak­ling­ar eða fyr­ir­tæki eru, eða eru ekki, í við­skiptum við bank­ann. Bank­inn geti ekki rofið trúnað um við­skipta­vini eða ein­stök við­skipti en full­yrðir að vinnu­lag bank­ans er í öllum til­vikum í fullu sam­ræmi við þau lög sem gilda um starf­semi fjár­mála­fyr­ir­tækja.

Sig­mundur Davíð segir í stöðu­upp­færslu sinni að hann og aðrir hafi svarað mál­inu afdrátt­ar­laust. Samt þyki þing­mönnum stjórn­ar­and­stöð­unnar "sæm­andi að taka undir text­ann í hót­un­ar­bréf­inu og dylgja þannig um leið um vensla­fólk mitt sem hafði þó liðið nóg fyrir stjórn­mála­þátt­töku mína."

Hann svarar því hins vegar ekki í stöðu­upp­færsl­unni hvort hann hafi beitt sér fyrir fjár­hags­legri fyr­ir­greiðslu fyrir Björn Inga Hrafns­son heldur ein­ungis að hann hafi ekki komið að eig­enda­skiptum á DV.

Segir stjórn­ar­and­stöðu nýta sér hót­anir í póli­tískum til­gangi

Sig­mundur Davíð er harð­orður í garð stjórn­ar­and­stæð­inga í stöðu­upp­færsl­unni og seg­ist ekki hafa trúað því að þeir " myndu leggj­ast svo lágt að reyna að nýta sér hót­anir í garð ætt­ingja ann­ars stjórn­mála­manns í póli­tískum til­gangi, eins og nú hefur gerst." Þar á hann við ummæli sem Birgitta Jóns­dótt­ir, for­maður Pírata, og Róbert Mars­hall, þing­flokks­for­maður Bjartrar fram­tíð­ar, hafa látið falla um mál­ið. Birgitta sagði í vik­unni að hún myndi krefj­ast svara um meint tengsl for­sæt­is­ráð­herra  við fjöl­miðla og Róbert sagði í þætt­inum Viku­lok­unum á Rás 1 í gær að það beri að skoða hags­muna­tengsl milli Sig­mundar Dav­íðs og Björns Inga.

Undir þau orð tók Ragn­heiður Rík­harðs­dótt­ir, þing­flokks­for­maður Sjálf­stæð­is­flokks­ins, sem var líka gestur þátt­ar­ins. Hún sagði að það skipti engu máli hvaða ráð­herra ætti í hlut, það gengi ekki að ráð­herrar á Íslandi ættu í fjöl­miðl­um. "Það er grund­vall­ar­at­riði sem ekki sam­ræm­ast á nokkurn hátt. Þar eru svo aug­ljós hags­muna­tengsl ef slíkt væri upp á borð­inu. Báðir [Sig­mundur Davíð og Björn Ingi] hafa þeir stað­fast­lega neitað og þar til annað kemur í ljós hlýtur það að vera hið eina rétta. Ég get fall­ist á að þegar svona athuga­semdir koma fram þá ber að skoða og þá ítreka ég að mér er alveg sama hvaða ráð­herra eða þing­maður ætti í hlut. Því við erum undir það seld að fjöl­miðlar bæði fjalli um okkur per­sónu­lega og prí­vat og svo fjall þeir um störf okkar sem slík og það væri ansi langt gengið ef við ættum svo hags­muna að gæta í fjöl­miðla og gætum þannig tryggt að hann talaði illa um and­stæð­ing­inn og vel um okk­ur.“