Sig­urður Magnús Sig­urðs­son hefur verið ráð­inn fram­kvæmda­stjóri flug­rekstr­ar­sviðs hjá Wow Air. Hann kemur til Wow frá flug­fé­lag­inu Atl­anta, þar sem hann hefur und­an­farið verið flug­rekstr­ar­stjóri.

Sig­urður tekur við starf­inu af Birgi Jóns­syni, sem var ráð­inn til félags­ins í nóv­em­ber í fyrra sem aðstoð­ar­for­stjóri og fram­kvæmda­stjóri flug­rekstr­ar­sviðs. Þá hafði hann starfað hjá fyr­ir­tæk­inu í tvo mán­uði að ýmsum verk­efn­um.

Í til­kynn­ingu frá Wow núna kemur fram að ráðn­ing hans hafi verið til eins árs og hann hafi kom­ið að marg­vís­legum stefnu­mót­un­ar- og skipu­lags­málum í hröðum vexti. Honum eru þökkuð vel unnin störf í til­kynn­ingu frá Wow en þar er einnig haft eftir Skúla Mog­en­sen, for­stjóra Wow, að Sig­urður Magnús og hans mikla flug­rekstr­ar­reynsla muni nýt­ast fyr­ir­tæk­inu á „fyr­ir­sjá­an­legu vaxt­ar­skeið­i.“

Fyrr í ágúst var til­kynnt um að Stefán Sig­urðs­son hefði verið ráð­inn nýr fjár­mála­stjóri hjá Wow. Hann kom til Wow frá Advania, þar sem hann var fjár­mála­stjóri í tæpt ár.