Hlut­hafar Síld­ar­vinnsl­unnar í Nes­kaup­stað ákváðu það á aðal­fundi sínum í dag að fresta ákvörðun um arð­greiðslur vegna óvissunnar í tengslum við við­skipta­bann Rússa. Aðal­fund­ur­inn var hald­inn á Hótel Egils­búð í dag.

RÚV greinir frá þessu og hefur eftir Þor­steini Mál Bald­vins­syni, stjórn­ar­for­manni, að ekki sé úti­lokað að arður verði greiddur út síð­ar, enda sé eðli­legt að fyr­ir­tæki eins og Síld­ar­vinnslan greiði arð. Ekki verði ráð­ist í upp­sagnir vegna inn­flutn­ings­banns Rússa en vinnan gæti minnkað og starfs­fólk geri sér grein fyrir því.

Góð afkoma og tveir millj­arðar í arð í fyrra

Afkoma Síld­ar­vinnsl­unnar hefur verið góð und­an­farin ár. Þar vega þungt hag­stæðar aðstæður í upp­sjáv­ar­veiðum og vinnslu. Það er ekki síst til­koma mak­ríls í lög­sög­unni sem hefur haft veru­lega jákvæð áhrif á afkomu fyr­ir­tæk­is­ins. Hagn­aður fyr­ir­tæk­is­ins árið 2013 nam 5,6 millj­örðum króna og sjö millj­örðum króna árið 2012.

Á aðal­fundi í fyrra var ákveðið að arð­greiðslur til hlut­hafa vegna árs­ins 2013 yrðu tveir millj­arðar króna.

Síld­ar­vinnslan hefur einnig styrkt sig í bol­fiski með kaupum á kvóta á síð­ustu árum.  Þar ber hæst kaup á Berg­i-Hug­inn í Vest­manna­eyj­um. Þá keypti Síld­ar­vinnslan hluta af kvóta Stál­skips í Hafn­ar­firði. Auk þess er félag í eigu Síld­ar­vinnsl­unn­ar, SVN eigna­fé­lag ehf. stór hlut­hafi í trygg­ing­ar­fé­lag­inu Sjóvá og hefur sú fjár­fest­ing skilað góðri ávöxtun nú þeg­ar. Síð­ast­liðið haust keypti Síld­ar­vinnslan svo útgerð­ar­fyr­ir­tækið Gull­berg á Seyð­is­firði.

Með þeim kaupum var ­Síld­ar­vinnslan orðin risi í íslenskum sjáv­ar­út­vegi með umtals­verðan kvóta í flestum helstu fiski­teg­undum við Ísland. Helstu eig­endur Síld­ar­vinnsl­unnar eru Sam­herji (45% hlut­ur), Gjögur (34%) og SÚN í Nes­kaup­stað (11%). Þess má geta að stór hlut­hafi í Gjögur er Björgólfur Jóhanns­son, for­stjóri Icelandair Group og for­maður stjórnar Sam­taka atvinnu­lífs­ins.

Fram­kvæmda­stjór­inn gagn­rýnt þátt­töku Íslands

Gunn­þór Ingva­son, fram­kvæmda­stjóri Síld­ar­vinnsl­unn­ar, hefur gagn­rýnt þátt­töku Íslands í við­skipta­þving­unum gegn Rúss­landi. Áður en Rússar víkk­uðu út sitt inn­flutn­ings­bann vegna þving­an­anna skrif­aði Gunn­þór um málið á heima­síðu Síld­ar­vinnsl­unn­ar, þar sem hann sagði þátt­tök­una vera van­hugs­aða og gríð­ar­legir hags­munir þjóð­ar­bús­ins væru þar lagðir að veð­i. „Sé raun­veru­legur vilji til að aðstoða íslensk fyr­ir­tæki og gæta að hags­munum þjóð­ar­innar getur ráð­herra lýst yfir hlut­leysi stjórn­valda og reynt að vinda ofan af stuðn­ingi Íslands í aðgerðum gegn Rúss­um. Á þann hátt er sjálf­stæði Íslend­inga í utan­rík­is­málum und­ir­strik­að,“ sagð­i G­unn­þór.